قـــــــــولــــــــولـــــــــــــــــــــــــــها

صالح بو عياد الشهيبي شاعر شعبي وله قصيدة استوقفني
لما رايته من إصرار الشاعر على إيصال أبياته في طريقة إلقائه
يقال انه هنا يهجو زوجته من بعد إن ضاق بها ذرعاً
أحببت إن أشاطركم القصيدة
ونقولكم قولولها



قولولها تبعث معاذيرها - وكثرن أمواجعها وكثرن اعذارها
وفي كم طعنة غدر من خناجيرها - طلبت الدواء ع الجرح وحطت ابزارها
قولولها شاهد الله وضميرها - علي صلحنا وشهدوا أمعاي اكبارها
قولولها ما حلفت ماعاد انديرها - وليش أطعنتني قبل يطلع نهارها
قولولها مليان كثر خيرها - في باذره بيمينها ويسارها
أمواجع انهلب هذي واتجي غيرها - ما ف المواجع موجعه نختارها
قولولها اللي اهناك في مطاميرها - اللي ميرتها لي ساع تمتارها
قولولها ما نصح نبقى عشيرها - عشرة نكد ف الريق عاقد امرارها
قولولها من تو خاطي مصاديرها - يغنيني الله علي موية ابيارها
قولولها شن معنى تفاسيرها - ردت علي جواب جيب أبذارها
قولولها مازال ذاهب خبيرها - وعليها كذب تقازها و شبارها
قولولها مالوقت تأخذ محاذيرها - راه كل دار امصادرتا دارها
قولولها يقطع الله تدبيرها - وذاهبة انكان أمتبعه دبارها
قولولها في شئ واجد ايعيرها - كسر الخواطر راه واعر اجبارها
قولولها الأعذار حسرت زكاكيرها - وطاح من وجه الحقيقة اخمارها
قولولها خلاص عرفت جملة تفاكيرها - قولولها خلاص عرفت لعبة إقمارها
قولولها قريت السر في مناشيرها - قولولها حليت عقدة اسرارها
قولولها لاهي طيري ولاني طيرها - لا حطت أنحط ولا انطير بمطارها
قولولها كي اتريدني نشتشيرها - وهي ما عليّ اترد فيهن أشوارها
قولولها قزون نحرق حاذيرها - كيف ما تريد تحرق حاذيري بنارها
قولولها مني الله لا ايثيرها - اللي زرعته فيّ تأكل أثمارها
قولولها مليت من جراجيرها - يوم لمواجعها ويوم لمسارها
قولولها من السدر يخلص حريرها - ولا عاد بنيت ابيوت قابل عمارها

قولولها كبرت عا هلمواضيع اتحط المذاري و اتغطي اسبولها
و ايفكك الله من هل ا ويجيبلك الله زل اينسيك زولها
مشكور اخي محمد الافي جدا

العفو خوي ابراهيم والشكر لك علي المتابعه والاطلاع

أمواجع انهلب هذي واتجي غيرها - ما ف المواجع موجعه نختارها
قولولها اللي اهناك في مطاميرها - اللي ميرتها لي ساع تمتارها
قولولها ما نصح نبقى عشيرها - عشرة نكد ف الريق عاقد امرارها
قولولها من تو خاطي مصاديرها - يغنيني الله علي موية ابيارها

فعلا اخي محمد فإن صالح بوعياد الشهيبي شاعر متميز وله نمط خاص يميز شعره عن شعر غيره من فحول الشعراء الاخرين وذلك من حيث اللحن ....

اختيار متميز اختيارك لهدا الشاعر ولهذه القصيده ... مشكوووووور يا محمد

تسلم اخى باش مهندس قصيدة رائعة

كلامك صح الصح خوي ابن الباديه والله انت المميز بحضورك وطلتك علي الموضوع
ومشكور علي كل المعلوماتك القيمه التي تفيدنا بيها في مجال الشعر
بارك الله فيك ومشكور علي المتابعه


الله ايسلمك خوي فرج
بارك الله فيك ومشكور علي المتابعه

مشكور على ما قدمت دائماً مميز اخى الكريم

تسلم بواللافي كلك بركه

ما تقوللها بروحك
مشكور على اختيارك الرائع ياابو الاسرار