رسايل بالجملة اي نوع تبيه تلقاه خش اتفرج

من طرف **STAR** 2010-06-23, 10:47 am

مادا يعني ** من يوم رحل بالشوق ماودعني ** عزيز فاتني ياناس

هدا يعني ...

يعني باعك ** بعد ماتمسكن لين تم خداعك**بعد مارشقلك حربته في أظلاعك ** وهدا اللي يعنيه مادا يعني

--------------------------------------------------------

مايستحق أنجامل *** غلاكم خدا في القلب حقه كامل *** لو كان تندروا

--------------------------------------------------------

ونا مليته ***بروحي بلا صاحب الليل خديته *** مل السهر مني ونا مليته

--------------------------------------------------------

لاخر نفس شاريكم ** لا نبيعكم للغير لا نعطيكم *** أصحاب روحي

--------------------------------------------------------

واجب عليا دكره *** حتى لوماني في هوامش فكره ** يبقا عزيز واجب عليا دكره

--------------------------------------------------------

فاقد حسه ** له وقت لا صبح علي لا مسه *** الله يدكره بالخير

--------------------------------------------------------

أيزيد حنيني ** نشتاقلك وأنتي قبالة عيني ** بين كل ترميشة أيزيد حنيني

--------------------------------------------------------

تعال أجبدها *** شوف اكبيدتي على نار الغلا صاهدها ** تريد شوفتك

--------------------------------------------------------

نرجى فيها *** لحظة لقى عيني مع غاليها *** يانا اللي صابر ونرجى فيها

--------------------------------------------------------

يسعد جوك *** يلي بلاك الوقت حال عدوك *** الله لايغيبك ع العين يسعد جوك

--------------------------------------------------------

ماهن أصحاب ليالي *** حتى لو عطنك يبرمن ف التالي ** الأيام والنسا

--------------------------------------------------------

ليش اتجيني اتخطر عليا اعزاز وتبكيني غلطان يا منام الليل ليش اتجيني .

--------------------------------------------------------

لاتظن القلب ياعمري ناسيك
والذي سواك مالحظه نساك
لاتقول الوقت قساني عليك
كل ليله تمر يكبر بي غلاك
ياغرام عاش مع روحي شريك
في عروقي نبض سميته
هــــــــــواك

--------------------------------------------------------

صعب فراقك ما نطيقه
وانا قبل ما نحمل بلاك دقيقة
ليش تفارق !! وعارف فراقك مر منه شارق
عقلي العايم في بحورك غارق
وأنت اللي تجلي غمامة ضيقه
بعدك عليا راه جوفي حارق
ونقول وما نجحد عليك حقيقة !!

--------------------------------------------------------

كيف البحر في غيظه
موجه تجي زرقه وموجة بيضا
ليام يبرمن !!
كيف البحر في نوه
مرة علي شطا ومرة جوة
ليام يبرمن !!
كيفي وكيف حالي
مرات نهدا ومرات موجي عالي
ومرات نبرم في فجوج خوالي !!!!!!

--------------------------------------------------------

ان هزك الشوق ولم ترانى فهذه رسالتى تنوب عن لسانى صدقنى اعزك فلا تنسانى

--------------------------------------------------------

انت الغلا وانت شوقى كله
وانت الحنان اللى غايتى نوصله
فى عيونى صورتك مرسومه يرعاك ربى ويحفضك فى ظله
وتبقى دلالى اللى عليه مانتخلى

--------------------------------------------------------

في ناس ننساهم
وفي ناس ندورهم ومانلقاهم وناس
مثلك أنت لو غابوا
زاد غلاهم
أن شاء الله ما تغي

--------------------------------------------------------

ما نقدر بلاك دقيقة
أعزومي على صوبك الحق رقيقه.. ماقدرت ولانقدر بلاك دقيقه.
بلاك ثواني ~
وفي غيبتك نبقي مريض أنعاني
لحظة بعد لحظة أيزيد حناني~
ولهفة أشواقي أتكون ليل حقيقة
بلاكم ساعة~
وقلبي بلاكم كاثرات أوجاعه
إيموج وناره حارقة طباعة~
حالف ومت???? دوم رفيقة.
مانقدر بلاك دقيقة...!

--------------------------------------------------------

ماتنسيهم خوذى العمر كله ارياف عليهم*****غوالى انعزهم ياعين ماتنسيهم

--------------------------------------------------------

حاير دليلى فيكم*لاقدرت نبعد لاقدرت انجيكم*شاغلين خاطرى وعقلى امعلق فيكم**!

--------------------------------------------------------

دقه دقه العين طالبة من عزيز اتحقه .. بالله يازمان اتعود دقه دقه

--------------------------------------------------------

وينك يامذهوب الشيره ايام كثيره انراجي في رنه وتسكيره..

--------------------------------------------------------

نقول : لو كان الغلا بالكيلو .. دونك وجيب معاك ناس ايشيلوا ... دير حسبتك !!!

--------------------------------------------------------

فيك أوحلنا........... لاعرفنا مهتم ...لاهملنا ...أحترنا يا عزيز أمعاك.؟.......
.............تمنيت روحي في الحياة ماصرت .................راهنت قلبي وفي الرهان خسرت ......! حرام عليك

--------------------------------------------------------

مانحكيها ..! امفيت للعزيز اللي دنيتي ضاويها ....قولت امرايف عيك مانحكيها

--------------------------------------------------------

مابا يبرا.....جبناله طبيب وشيخ تما يقرا ................مسحورالعقل مابا يبرا

--------------------------------------------------------

ينشد ديما ........من طلعة ضباب الصبح للتعتيمه ..........عليك خاطري نشاد ينشد ديما

--------------------------------------------------------

اقلال وقله ........من فم عاقل موش حد يسلله...............اللي كيفكم نادر ..اقلال وقله .....!

--------------------------------------------------------

خايف يصير اعباده ....غلاك اللي وصل عالقلب نين تماده............يارب سترك

--------------------------------------------------------

كنه كنه لاحق لاباطل خذينا منه ...... عزيز مايتصل ومايرد كنه

--------------------------------------------------------

:انعيشها بالجو ... ان جا عزيز وان فات راح السو .... هذي دنيتي انعيشها بالجو...

--------------------------------------------------------

علي نياتي نحساب الغلا ساهل أقطع راياتي تاريتني طيب علي نياتي

--------------------------------------------------------

عيشي جوك واللي هجر ونسيك ياخذ سوك الله ونبي ياعين عيشي جوك

--------------------------------------------------------

كان عزيز هجرني وعدى
لا ما نرده.... سيورة راجع
يتجدا.....

--------------------------------------------------------

ما يموت الشوق لو قل الوصل
ولا يهز الغلا زلزال الظروف
وأنت عارف بمعزتنا أصل
ولو يطول الصمت ...ما يلحقك خوف ..
الغلا بلقلب متصل ثابت مثل الأصابع بالكفوف

--------------------------------------------------------

وسط القلب وبين جروحه دون الناس غلاك بروحه

--------------------------------------------------------

مية مية نسبة غلاكم دوم مية مية سواء تقربو والا بعاد عليا

--------------------------------------------------------

وينك وينك قاطع حبال الود عيني عينك ما انريد منك شى

--------------------------------------------------------

ماعمرنا قصرنا غير وقتنا قاصر كسر خاطرنا

--------------------------------------------------------

عندي قلب مانملك انرده عايش حر في صدري عنيد يوم النبض عالي فات حده¤وينزل يوم والثاني ايزيد شايل حن واحساس وموده¤وشايل هم كي ثقل الحديد رزين اوقات ماتلقاش نده وايخف اوقات لولافه ايريد.. .

--------------------------------------------------------

ماهن جروح احجامه حافرات في وسط الجواجي قامه جروح غيبتك

--------------------------------------------------------

قيسك ياعيني مسحوره ننهو فيك وتمشي شوره

--------------------------------------------------------

صابرين بلانا عزايم عطاهم ربنا سبحانه ...الباين عليهم صابرين بلانا

--------------------------------------------------------

وحق من سواها...............
وحق من شال السماء على وطاها
دقة الشوكة فيك مانرضاها.

--------------------------------------------------------

ربي ياجبار الخاطر زيد عليه الخير قناطر يبقى كيف الغيم الماطر

--------------------------------------------------------

فايت حده .. وهو بالعصر مليان مايجده .. هكى منابت والديه وجده .. ونفسه عزيز للمكارم عابدة .

--------------------------------------------------------

قسمت روحي بينهم ما ســــــدت******لاهم رضوا لا الروح ليا ردت

--------------------------------------------------------

منك منك ما عاد عرفنا قسوتك من حنك الخاطر زعل بالحيل منك منك

--------------------------------------------------------

ماتوجعني .... ان جا يوم ولقيتك للجفا بايعني
تعلمت القسوة منك

--------------------------------------------------------

ماتروم خطاك
ولاهي علي ميحك اتميح امعاك
ان جيت بالغلا والقدر ما يغباك
تاخذ القدر وفوق من مطلوبك
لكن معاها كان قل وفاك
خلاص تتركك دور عرب يشقوبك
تعيش بعصرها ما تروم جفاك
تموت بالعطش تهلب غدير شرابك

--------------------------------------------------------

بُعد الخطا بيناتنا ماباعدك من بالي مازلت فالخاطـر عزيـز وغالـي
حـتــى بـقــل سـوالــك اشـتـقـنـا وحـنـيـنـالـك
كيـف قـبـل لـيـك مكـانـه طـيـفـك رفـيــق مـعـانـا
ومــازال قــدرك عـالـ

--------------------------------------------------------

نقعد قاسي .. ويقولو علي ميت ضمير احساسي .. انكني عليك اسهيت

--------------------------------------------------------

خون الرفقه ما نعرفو محال و طعن الحبيب في الضهر مهو لينا
احنه اتربينه علي مبدا الجدود ابطال هم غابو و احنه ورهم جينه

--------------------------------------------------------

يا سمح في توصيفك علي ما عرفنا ما القينا كيفك عليك ننشدوا....

--------------------------------------------------------

يقولوا
عيش صقر واضرب الدنيا تيروا!!
من غير العزيز ماتسوى الدنيا زيرواا

--------------------------------------------------------

ماعاد تعني شيء ... كيف غيبتك عني وكيف تجي ...
غلاك إنتهى,, نهيته غلاك كيف زعلتك مني وكيف رضاك ...
كيف ضحكتك عندي وكيف بكاك ... تكرر أسلوبك ما يأثر في !!!
عاديت واجد ناس في سباك .. لقيت مكسبي منك خيانة لي !!
الله يسامحك في كل يوم معاك .. الماضي طويته من حياتي طي
يلهمني الله الصبر دوم بلاك .. ويبقى وجودك كيف ميت حي

--------------------------------------------------------

لو كان عندى مع التراب دلاله..................مع كل عجاج اندزلك رسالة

--------------------------------------------------------

لاتزعلهم لا نحمل دمعهم لا نحملهم الله والنبى يا وقت لا تزعلهم

--------------------------------------------------------

كلك روعة
عز الرفيق واصل الكرم وفروعة
يابو مكانة عالية مرفوعة

--------------------------------------------------------

الانضار يا ناسيهن وحق النبي مانك رخيص عليهم .......عليك ينشدن

--------------------------------------------------------

فوق الحاجب انشيله عزيز قرعته في العين موش قليلة ........من دون العرب

--------------------------------------------------------

لو كان حبك مرض ونسيانك ايداوينى أدعى ري الكون من هالمرض ما يشفينى

--------------------------------------------------------

وحق من خلق كبدي وحطك فيها مايوم تصغر لاتهون عليها

--------------------------------------------------------

كلمة الحق كان قلتها وجاعة تخلي رفيقك يتركك في ساعة

--------------------------------------------------------

كان قطعت عليها الحن العين تشيل نظرها لمن

--------------------------------------------------------

كيف نهونه عزيز ملكني وحطني في عيونه

--------------------------------------------------------

العين رايفت والشبكة تعبانة نطول الغوالي كيف ياليبيانا

--------------------------------------------------------

يا ليت تستوعبها #دقيقة بلاك تفوت ، يا مصعبها يا بال غيبتك !!

--------------------------------------------------------

قالو معقوله تعطيه قلبك قالت روحي فداه قالو حرام تموت قالت ميت بلاه

--------------------------------------------------------

مره مره يدردر شراب العين ويطلع بره علي ناس فرقاهم عليا مره وايش العمل

--------------------------------------------------------

الزمان ضربني ضربة قوية خلاني نبعت للكلاب تحية.

--------------------------------------------------------

فاقد غلاك وخاطري متضايق .. بعد غيبتك كيف يمسى الخاطر رايق .. دقيت هاتفك ما قصدي إزعاجك فاقد غلاك والقلب داعيلك وين ما أتخطى الخير إيجيلك

--------------------------------------------------------

يلي احملت بلانا احنا عزمنا بلهون ما خلانا بلاك نحملوا

--------------------------------------------------------

يا بختهم يا بختهم اللى انت قاعد عندهم هما نجوم وانت قمر وسطهم

--------------------------------------------------------

سلام العين للعين والعين ما تصبر بلاكم سلام القلب للقلب والقلب ما ينبض بلاكم سلام الروح للروح والروح دائما معاكم

--------------------------------------------------------

قطره قطره تحساب الغلا ساهل يجي با لفطره سقيتني مرار الصوب قطره قطره

--------------------------------------------------------

امغير تبقي بخير الا الجرح في غيابك يزيد سطير فداك نحمله

--------------------------------------------------------

يلي جميل كلامك ما يوم ينسي خاطري عنوانك عليك ننشدو

--------------------------------------------------------

معاش انكثر عليكم والله معاد ايتموا كان بنحطهم سادها توا هي نلتقي في الحلقة القادمة