شاعر يتحاور مع الياس قصيدة مش عادية

من طرف لاجواد نا بنتهم 2016-10-09, 11:03 pm

#الشاعر .....
يالياس خطاني .. .. كنك رفيق امعاي طول زماني .. .. رديت حالتي
كنك ديمه .. .. منك كدا عقلي وسبب ضيقه
دور بديلي ياالياس غنيمه .. .. الا نا علي بلواك صابر ياني
واخذ علي ظلمك بقيت عديمه .. .. بالك ايسدك ويش تبي ثاني
بعد قهر واوجاع او قلة قيمه .. .. منشاب نارك فالكنين كواني

#الياس .....
لا مانسيبك .. .. نين تنكلب ولا اتبدد عيبك
والا ايلصف في عراضك شيبك .. .. او تخرف وماقطعن عليك الواني
ونا كل يوم اندورك وانجيبك .. .. ومانتركك تنظر زها وحداني
انسلط عليك انعول في تعذيبك .. .. و وين ما تعدي متكي تلقاني
وحتي وانت راضي به اتقول نصيبك .. .. انجيبلك بلاوي بدعهن دوّاني

#الشاعر .....
مانحسابك .. .. الا قلت بهدلتك و طال عذابك
ثاريت متشمت القيت جنابك .. .. و راضي بفعلك درتا بلعاني
وان فرحت العين انقول زاد عطابك .. .. انوتي اوتاي الوعتي واحزاني
عارفك اتجي تجري اغراض انيابك .. .. و تصبح امصادرني بيوتك باني

#الياس .....
كلا منك .. .. انت هو اللي مقوقز كنك
نيران بكرعك وطيت كلنك .. .. وغلطت في ودرتني عدواني
انرافقك اجباري قلت غصبن عنك .. .. وماشي فالدنيا عليك الهاني
ولا نطلقك ولاتحطها في ضنك .. .. او لا نريحك مكتوب في ديواني

#الشاعر .....
منك لله .. .. هواللي خلق موال فيده حله
قادر عظيم بقدرته يرسله .. .. من فيض رحمته ماعد عذاب ايعاني
ويفتح ابواب الخير ما يقفله .. .. الخاطر و قبلا يندفن جثماني
ويارب ياعالم اسباب العله .. .. وعارف العلل يشفع بدون معاني
اتفرج علي المكيون وتنزله .. .. جلأ هم من عندك دواء حقاني
واللي ظل دربك ياعظيم اجعله .. .. انوار السبيلك قبل يصبح جاني
مامن اللي يغزل وهي تفتله .. .. قلب الرقيعي ماعليها باني
زايله وزايل عزها والذله .. .. وجميع ماخلق مولاك فيها فاني
وانت اتقولي يا ياس منك كله .. .. ونسيت ربك ياعدو لانساني
يا الياس خطاني .. .. كنك رفيق امعاي طول زماني .. .. رديت حالتي