*ياشوقنا* أمير الشعراء مراد البرعصي

يـــا شوقنا للمحبيين .... ويا شهوه شى ليل نطربا
لجواد والجـــود ويــــن ..... الدار ريتا نـين مريبا
اتقول خاليه من اسنين ... والله العقل غابى مصعبا
الكبد دارها م الحرابين .. اللى امغير قصره وقرضبه
نين تنسته م الذوانين ...... اللى هضا شاقى بمطلبا
وما يشغلا حال لخرين .... ولا ادموم صاحيب تكربا
ان كان خاطبك با التلسوين .. تمضيغ للحديث وسلهبا
ايضيع العلل با التمصرين .. تطويق للحروف وجقهبا
تكره الغاتم م التجعويــن .. واوكال للحروف ومغيـــبا
وحال غايتى يا قريـــــن .. ما تلومنىــــين تـــشربـــا
ع اللى يلزمك فيه تمعين .. وكان لك عتب بيش تعتبا
لو مخالف الشرع والدين .. ولا فيه دعــــوه لــــمذهبا
ولو مزاينه للكبابيــــــن .. ولا انريدبا مــــال نكســـــبا
ولا انريدبا بيـــن هذين .. وهذيـــن نــــــــارا ملهلبـــا
فتنه امغطيه بــا العوين .. اتثــــوب وين بيــديك تقربا
ولا نعرضا فى الفتارين .. للبــــيع غير ما بيع اغلبــا
وان ردت عونته راه .. غلين غريق فى شواطيه دلعبا
مرات ميل مرات ميليين .. مرات من مدانيه يسحبـــا
ومرات ما الزعل والعطابين .. ايدير موج عاتى ويقلبا
ومرات يرتجف ما البراكين .. ايدير بصر شيل وشقلبا
ومرات با اللطف واللين .. ايدير مزن ويغيث مجدبا
ولـــرياح يــــــساق نــين .. يداير اتشتابى عقـــربا
نين لوديا من العبارين .. ايواسن العالـــى بمــــسهبا
ولا انقدمو فى القرابين .. ولا جوادنا صار طقربا
سيار يسحرك با الترهوين .. وان كان فاج على العين تحجبا
والغث نعرفو م السمين .. وما انجدبو فيه جندبا
واللى حضنا مش تحضين .. نبوه غير مالى مخلبا
واللى ما اعلم يوم حطين .. كيف يوم ذى قار يحسبا
عليش نسردو فى الجرانين .. والقول ع لجوايد مطيبا

تسلم ياغالي

أحسنت يا غالي على القصيدة وأسمح لي أن أكملها :



عليش نسردو فى الجرانين والقول ع لجوايد مطيبا

لجواد حيلهم فى الجبابين قليل وين يطرالهم نبــــــــأ

لجواد فقدهم يا وليفن اجراع مر ما ريت مصعبـــــــأ

وريت مصغره فى قزازين لو كان هنا ما راو مصغبــــا

وريت يصبرن فى وشاشين على القل من خوفا تنسبـــــا

عليهن الشينــــــــا شين حتى القل شوم وشخشبــــا .

لجواد كارهم هو الزين لجواد هل سلام ومرحبا

لجواد يفرحو با لمظفين لجواد هل بشاشه وشرهبا

وما يكولسو فى التراكين اجذب افلان وافلان ارهبا

وفلان قربا ما القريبين واخجل افلان وافلان اهلبا

احنا قولنا ملك ما الطين على مهلى ناشيه واندبا

حتى نكرو فيه وحدين يصيد ناس عاشو تجربـــــا

وما يحايلو على القوانين تباعه الطريقا لنصبــــــا

ولاا يعرضو للفراتين بقول صار طيب وكبكبا

لجواد يطعمو فى المساكين واثنين وغريبين الجباء

لجواد صوكم على الطواحين ايزيد عزمهم فيه مرتبا

وميش خنصره على المقارين وشيل للحليب ودردبا

لجواد ديهم مش تعجين تعريض للكلام وجلببـــــا

لجواد ديهم مش تحجين تلويذ للحديث وعقربـــــا

لجواد ديهم با الموازين ترديع سمح وايجيك جرجبــــا

لجواد ديهم شغل تمزين يمطر بجور ويشيل سكلبا

وكيف يخطرو يا عزيزين اتسير فى الخياطه شنشبا

ويحوس خاطرى لاجل احذاه العين تجبر الليل نوح وشبشبا

والجود موش با روح تبيين تبويف با الحرير وخبخبا

الجود نعرفا حق مبين واللى مو امدانيه يذهبـا