غناوي وشتاوي هزايب قويه

تذكير بمساهمة فاتح الموضوع :

قطف كان عليك ايبرد نا عايش وانت متشرد
نحسابه راجل حبيته بيبي سنتين القيته
مانك راجل مانك شي...لاتقدر حتي تلعب بي
لانك صقع ولاانت حاجه...وماتجي حتي ظل دجاجه
يالقديم عليها نادم ... درتك بين الناس أبنادم
القيتك خاين يالحقير...علي مادرنالك من خير
دز خواته قال انسيني واحد من خوتك عديني
قلتلهم
كان عالنسوه نا ننساهم لكن خوتي مايسواهم
لاترفع خشمك لا تواطـــــــــــــــــــــــــــــــــى دايرتك غير احتياطــــــــــــــــــــــــــــــــــــــــى
بيني و بينك نستاهلها"" شلتك فوق و مانك هلها
سيبتا من غير كلام....بعد ما ولا شعبي عااام
ماعاد قديم ايبكيني...هالمرة طايح من عيني


مانبيش حد يزعل كله من باب المزح والفرفشة بس هههههه

صوبك ع الشينات امبيت.. ياخوان انعدك ميت

هههههههههههههههههههههههههه
واوووووووووووو فكرتك انسحبتي لكن هذين وين هههههههههههههههه
يا لولاف غلاكم طرفة *** غير اوقات الحي ابظرفة.

ههههههههههههههههههههههه
مشكوره دلوعتنا
هههههههههههههههههههههههه

انحس فيكم قلبتوا على الخوانين والدعا عليهم

احني نبوهن هزايب

اجعنك يا خاين اللولاف .. مريض تعيط بيك اسعاف

هاكوا هذه ان شاء الله تعجبكم
يا بو لحسه حول غادي *** صوب خليل ايريد ابوادي

هههههههههههههههههههههههه قويه والله
صوب خليل هم هله البوادي





فكري قبل تعومي بحرنا ....ما تقدرنا.....كم مركب قبلك كسرنا....!
.فكري قبل الموج يردك خودي نصيحة والزمي حدك ... وعدى وين هواك ايشدك ...
...طال سهرنا..واجد غير عليك صبرنا...فكري قبل تلومي علينا..خافي تحصلي بين ايدينا
.. قبلك واجد ياما رينا..وياما درنا....لين الصوب عليه كبرنا..
فكري قبل تزيدي الدوّه..وقبل الموج يشيلك جوّه...وتبقي لا حول ولا قوه.
..فيك احترنا !!!..جربي و كان غرقتي اعذرنا ...
فكري قبل يفوت الفوت... يجيك الحوت وتبقي لا عيله لا خوت..

....فكري قبل تعــــــــــــومي بحرنـــــا....

يا صوب خليل احلمنالك *** يلفاء جيل ايخرب جالك

بحركم عالي وانا عوام ياعبدلي ويامنجوه بينا الايام

هههههههههه بديت انقطف هههههه

ميت تحت الحيط انعدك................كان امجافيني من جدك

دلع ليبيا كتب:بحركم عالي وانا عوام ياعبدلي ويامنجوه بينا الايام

هههههههههه بديت انقطف هههههه

توه نمشوا انرقدوا *** واسعا انتلاقوا بكرة *
هههههههههههه
صوب خليل مقنط.

لانجافيك ولاتجافيني..انت اصلا طايح من عيني

تصبحوا على خير والسع على قولت المنجوه انتلاقوا بكرة

وسامحونا ياغوالي

مسموحه دلوعتنا وانتي سامحينا
وانت يالمنجوه راك تنسي وترقد قبل ما تسامحنا
تصبحوا علي خير

وانت من هل الخير يا غالي

مع السلامة

ههههههه المنجوه رقد من بدري وهالوقت تلقاه اينخط هههههههه

ابعى

شن معناها هذي(ابعي)

شكلك راقد واتخترف يامنجوه هههههههه

ههههههههههههههههههههههه
تمسوا ع خير بالرسمي
وبكره شفولنا
موضوع ننزلوا فيها

ياالجديد جفيت جفينا***ما نرضو تبقي غالينا
عموما حلو الموضوع لدرجة اني ع خاطره سجلت ف النتدي
تسلم ايديك دلع[i]

سيقانك سيقان دجاجه...... ما جيناك الا من العازه

لانك عين ولانك جمه ..... ولانك من عيله تسما

ولدكم بو كرعين اكبار ... جانا يجرى كى الحمار

بو عين كبيره فلاته ...لو ماجاها راهى جاته

ها البشوبو الى جبتنه .... كان اتريدنا خودنا

حلي الباب على وسعيته******* جاك بقار عمري ما ريته.

هل البقر اللي ريتنــــــا ******* فيه الثور اللي تبنـــــــــــا.

خذيناها عين الجفال ..............وبوها امصبي كي الخيال

الصقر اللي دايرلك قيما........ .....أنعنك تحت جنحا ديما

بوفرقه
ههههههههههههههههههههههه
وين ههههه

سافيها علي عاليها...تمنيت ربي دنيتك ينهيها

انعم انعم

مرحبتين بيك ياخوي LOVE.LY.2009

هذا اكبرشرف ليا ان يكون موضوعي سبب لجذب اعضاء للمنتدى

منور وان شاء الله يعجبك المنتدى كله مش غير الموضوع

وان شاء الله تتواصل معانا وتكون من الاعضاء المميزين في المنتدى

منور ياخوي بوفرقة وربي يعطيك الصحة

منورين يامنجوه وياعبدلي

دايخ ماني عارف كني *** ليش عزيز تخلا عني

لا كنك لابيك بصيرة...وباذن الله اتلاقي غيره

لو كان النار اتشاوني...................نطلقها عاللي قاهرني

دلع ليبيا كتب:لا كنك لابيك بصيرة...وباذن الله اتلاقي غيره

انفتتش في روحي تفتيش *** انقول عزيز اكرهني ليش

شكرآ بصراحة شتاوه في مكانها لا كنك ههههههههه

اللي ما ينفع فيهم ود...........تحديهم يا عين بجد