غايب عليهن كنك ..

من طرف **زهرة اللوتس** 2010-09-23, 8:14 pm

غايب عليهن كنك .... زعم من الزعل والا ظروف خذنّك...أنريد ننشدك

**********************************

انريــد جــــــــــــــــــــــــوابــــــك .. وانـــريد منك شـــوفتك واعــتـابك

عليك منشغل رانى ودير احسابك .. نــاشد عـلـيك الـغيـم ما شافـنّـك

هــطـل مــزنها وارعودها تشلا بك .. مــوعــــــارفه ويـن الاوقات رمنك

سلت السما و الطير وين ابــوابك .. فــــى كــــل فج وبـــر ما حــقـنّك

الله والنبى خلـيك بـــيــن احبابك .. واعـــرف جنيـــن الكبد قطعه منك

**********************************

وين الغيبــــــــــــــــــــــــــه ؟؟؟ .. بـــالك اظروفك يــــا العزيز صعيبه

انــت الدّواء وانـت معانى الطيبه .. وبــيـك انتـكحّل مــــن غلاك ومنّك

لوّعتهن الانظار ماهى عيـــــبه.. ولــــو ما عليــا اتــعز مـــا ســـآلــنّك

يـــاورد يـــا فوّاح مسـمح طيبه .. بــيـــك الخلايـق ذايبه عشـــــــقنّك

وانت وريـــد القلب كيف انسيبه .. ايمـوتـن جوارحنا اللـــى يــفدنـّـك

**********************************

غايب عليهن كنّك .. زعم من الزّعل والا ظروف خذنّك....أنريد ننشدك

للشـــــــــــــــّــــــــــاعر:توفيق الحــــــــــــــــــــــــاسي