للبوادي فقط

من طرف **حبة مسك** 2010-10-07, 10:44 pm

كانت فية خرافه حلوه من أيام زمان اتقولانه الحيوانات كانن ايغنن بالعلم مع البني ادمين وكان فيه نجع والنجع هذا كان فيةشيخ عنده بيت كبير وكانت عنده بسه امجرية وجايبه خمس ابسيسات . وفي يوم من لياملفت على الشيخ وليه متقنعه وصبت عند الخالفة وردت عليه السلام لاقاها حفان ويقولمرحبه مرحبه حي الله سلام الله وعزم عليها بدخول . قالت له:
الكلام فيك موش اخساره نا قصدتك و المقصود هوالله انريدك اتعطيني البسه اللي عندك يومين والا ثلاثه لاجل عندي جرن متسلط عليهجرد انريدها تقتله . رد عاليها وقال :
كلم الشيخ البسه وحكالها وقال للبسه ايش رأيكقالت البسه :
( علي لومت العقال *** الخاطر انصيفين ينقسم )
وسيبت ضناها ومشت امعا الوليه لاعند الجرن وتمتهذك البسه رابطه عند هذاك الجرن نين استحركت الجرد ايريد يطلع خلاته نين طلع واخبطاته بمخلبها طب امعزوق علي صفحته و قالتله ( اوقعت يا طليب العين *** لك زمان ماشي ابدينها ) فجأه
قفزالجرد و نفض جسمه وصبى بعيد وقال للبسه ( قبل حوت نار غلاك *** كلت جميع ميجودخاطري)
صفقت البسه يديها وقالت ( تراخت عليه العين*** تحسابه غلا قاسم الها )

و سليمتكم

من طرف محمد اللافي 2010-10-07, 10:51 pm

ههههههههههههههههههههههههههههههههههههههههه
ههههههههههههههههههههههههههههههههههههههههه
هههههههههههههههههههههههههههههههههه
ههههههههههههههههههه
هذي وين القيتها ياراجل هههههههههههههههههههههههههههه
ربي يبسطك ويضحك دنيا واخره يا حبه مسك

للبوادي فقط

للبوادي فقط

رد: للبوادي فقط