الشاعر ...عبدالمنعم اكنيش الفاخري




نسيب غلاك.......... بعد ماسبقتي عالخطا بخطاك
رد الكفا مني

نسيبك يامناتي ............................ يامالكا روحي وكل حياتي

ياواخذه مني جميع اوقاتي .............. ونا قبل هاين هالروح افداك

وكان هو رحيلك شد راني واتي ...........عقلي وقلبي راحلات وراك

مترافقين طول العمر فالرحلاتي ........... ياسارقه نفسي بطيف ملاك

ونا احكمن في عيني اظروف اوقاتي ....... وطالت الغيبه وسايره برضاك

وجيتك بعدها مالرياف انهاتي .............. ونقول هو ريافا جابلا الهلاك

لكن القيتك خاينه سهراتي ................ ونتي امعا غيري ناسجه مسداك

وعياطي وراك ايزيد في لوعاتي .......... كيف من اينير في هوا فتاك

نسواك خير من لوعتي ومن ماساتي ..... نرتاح من مهاياتك وطول رجاك

حنانك نقص صيف خضار نباتي .......... وياسي جضر بالحيل نين خذاك

لكن انسيتك رفرفن راياتي ................... وقررت مانقعد نهار احذاك

نادم علي حبي وعلي همساتي.............. اللي بالغدر جاني اردود اكفاك

وحقي علي والغلط غلطاتي ............. مسحور مالنسا نسرح امعا طرواك

نسيتكم من بالي.............................. وعانيت جرحي والسنين اطوالي

لكن ذبل وقتن خذا ميجالي ............ وداويت جرحي ابغير دواك

وبديت في زهاتي من جديد وتالي.......... وشمسي رقت زالت اثار نداك

وياعين ماعد عليه اتسالي .................. وياعين عدا في طريق اعداك

وياعين ماعندك عليش اتغالي ........... وياعين ياسك من اصحاب غلاك

وياعين صيمي عالغلا وتنالي.............. قسمك اللي رب الكريم عطالك

وياعين توبي توبتك في حالي ............ من يوم غدرهم تما عليك امساك

وياعين دعواك الكريم العالي ............ وياعين عونيني عليما جاك