اهم ياهم ماتوا العصاره ******

هذه مشاركة جديده اطرحها وارجوا الرد عليها من قبل الاعضاء
فقد قلت هذه القصيد لاننني افتقدهم اليوم الذين كانواعوناًلي
وارجو ان تنال الاعجاب وشكراً (( الجاظي))
تقول القصيده:
اهم ياهم ماتوا العصارة اللي انظاف انياهم وكانت الناس اتقول

مات النظيف الدافي بوقلب طيب كان عاهد وافي
وانظاف النوايا كالحليب الصافـــــي ما عد ابقي عندي الا ذكراهم
زمانهم اغبي مردوم تحت السافــــي اصحاب صيت طيب سيبوه وراهم
اصدفت كيفهم وافرحت بيه اصدافي ثاريتني امغشوش فيهم واهم
انوض منفجع مرات نبقى غــــــافي ان جوا في شريط ايمر جاب نباهم

عاشوا انظاف صحيح ما هاسم قل اورقادة ريح
اللي اتقابله منهم شريح فريح ولا يوم يستشكل اللي لاقاهم
ابجود او بتاعه ما اهناك شحيح تلقاه بينهم داشع لضيف ان جاهم
وان دالك الوقت ابحمل نين اطيح امعاك يفزعوا بيش ما الله عطاهم
ولا يفتنوا بين العرب تنطيح اولا يمكروا حتى اللي عاداهم
ولا في عللهم زيف لا تمويح اوين يحلفوا ما من اللي زكاهم
ايلوموا ابعتب لا عيب لا تجريح ولا وانسوا شيطان نين عماهم
بسوال يفتحوا زيد الرسول مديح ابليس يبعدوه اوما ابغيظ ملاهم
اولا السانهم ينطق كلام بقيح حتى والخبر مشنون ما والاهم
ابذكر او كلام الله والتسبيح ايجلوه هم القلب كان غشاهم
او لا مريضهم طول افراش طريح ما القوة لحفره يا الله ادعاهم

ما هو رقيق غرضهم اولا عمرهم داروا اللي تقرضهم
وان كان العطيبه هي اللي تنهضهم بلاها ايعيشوا لو الضيق فناهم
تطريه النبي ابصلاه كي تلحظهم ما ايخالفوه الشرع في فتواهم
ولا يجبروه ابراي من عارضهم حقى لو هواه ايجي اخلاف هواهم
ديمه ايدهم في ايدين بعضهم ما وقت غيرهم علي مبداهم
اهم ياهم ماتوا العصارة اللي انظاف انياهم وكانت الناس اتقول

مشكور على القصيدة الرائعة جدا فعلا مؤثرة

مشكور

اسلمت الله اينورك اخى الجاضى

مشاركة مميزة تشكر عليها