وين ما ايقول العقل الشاعر طارق الحطماني

وين مــا يقول العـقل نـشـقا بغـيرهـا.. تخـطر و يخـطر حــلوها و مريرها..

وين ما انـــــــقول انحـــــــــــــــاول.. ننسى ونثني ع الـجـــــديــد الطاول..

ونمضي حياتي عـ الصحيح امزاول.. دروب دنيتي نجـــــلا بقاع غثيرها..

يبرم الخـــــــاطر عـ الــقـديم ايداول.. يقنع العـــــيـن اتســــايره بـمسيرها..

ونــــــا مغير عيني ما انريد انــثاول.. وهي بالخلاف اتــقول كـان قميرها..

خبيث عذرها قــاطـع انجيت انساول.. تـــقــلب الـعــقـل و يقـبـلـه تبريرها..

يرضى العقل مستكفي بـقولت حاول.. ما غيث يضمي من شبوب مطيرها..

تقصر عليه الـقول قـولت خـــــــاول.. ثـــلثين قــــات النـــاس في تقديرها..

كيف مــا تـقــولــوا بالمـــليح ايفـاول.. بـالكـش يــــاجد من اعزوم ايديرها..

ومغير هن حجايج فالعــقول اتنــاول.. ولا فـ الجــــدد والله طـــقٌ ضفيرها..

وين مــا يقول العـقل نـشـقا بغـيرهـا.. تخـطر و يخـطر حــلوها و مريرها..


وين مـــــــــــــــا انــــــقول انجرٌب.. ونــفسي عــلي نسوت عزيز اندرٌب..

ونفــتح أبــــــــوابي نبتسـم نـطـٌرب.. زهــــور دنيتي نشذي نسوم عبيرها..

يجي طيفها جـُـــل الكــــلام ايخرٌب.. تخـــــطر ويخطر سوها من خـيرها..

يمـسـا أيـريـدع هـ الــعــقل وايقرٌب.. من نــــــاقصه لـلـوافـيـه تـجبــيرها..

يحسب و يشطب والــكسور ايهرٌب.. حسـبت وطـــــا وخذت بعد تقميرها..

ما بين واقـــــــع مُـر حــلوه غـرٌب.. و مــا بين نقـــــطه كـــايـده تفسيرها..

وبين عزم صـــوانه الـيوم احـترٌب.. وين مـا تــــلايم بـــكرها وصغيرها..

وحلول م الحلول الـواهـمة تسـرٌب.. بين الأفـــكـار الـــــــشاردة فغويرها..

حــالـه ذبــل مـــا بين رخـٌـي كرٌب.. تـعــــابير كـــــان يصح لي تعبيرها..

كيف من زرع زرعه اجنانه زرٌب.. مســقـٌـي مســـمـٌد مـــوبـره بذكيرها..

ولـقـٌم اشجـــاره بالهـجين وعــرٌب.. ومــــا مــن ثــمــايرهـا جنا قطميرها..

وين مــا يقول العـقل نـشـقا بغـيرهـا.. تخـطر و يخـطر حــلوها و مريرها..


وين مــا انـــــــــــــــــــــــقول انصبٌي.. ونحـــــسم أمــور العـقـل كي ما يبـٌي..

ونقنع بمــا ترضـــــــاه حـــكـمة ربـٌي.. وننظر لـــدربي و الخــــطى تغييرها..

اتجي وارده مـــــولت الــزٌدو امجبـٌي.. فـــوق من قرار العقل يحـــدر سيرها..

ونلـقى اللي مــن قـبـل كـــــــان امهبٌي.. كـــيـف الـوريـثـه فالــكـنين طميرها..

عــلى الـــــــمـار ما يخفى اللي متغبٌي.. ايبــــــان فالعيون اغبونها وتكشيرها..

وخيبت الـــــــضن وعــــوقته لمشٌـبٌي.. عـــلي رأي شــاعر صاعبه تجبيرها..

ومــــا يا رفـــاقـه فـ الــقـــرار امخبٌي.. منكم النـٌاقد هـ الشـــــــمـوع اينيرها..

خوف مـن اهـــموم الـوقت يكثر سبٌي.. وخوف من عواقب ما يحد غصيرها..

نــــــــا قلت نرمي غــيـض بيه معبٌي.. وعــلة فـ صــدري كـادني تحجيرها..

نــــفزع أقــــــــلامي والأوراق مكبٌي.. ولــــكـم انـــوصٌـل نــغـمها وأثيرها..

وين مــا يقول العـقل نـشـقا بغــيرهـا.. تخـطر و يخــطر حــلوها و مريرها..


وين ما انـــــــــــــــقول انصـــــارع.. الخــــاطر وعيني بالأحداث انشارع..

ونذكر اللي جــــارع من اللي تـارع.. بــالك اتــــقـيم الخــشم فوق نضيرها..

ونــذكـر اللي بالحـــيـل حيلي فـارع.. ســـوا من اعـطاب الـدٌير ولا ٌديرها..

ونجـبد خبر مـاضي طـناه مـضارع.. أيــامــا ً فـ بيري كـــــان يقلب بيرها..

وكيف كــل حــد منـٌا ترك ما زارع.. حـــايش بعـيري و زاد حاش بعيرها..

مغير يــا عـلم قدرت الـحي اتـقارع.. امــسـيٌر فـ دنـيـا مـ الــعـلي تسييرها..

وقـــسم الرٌضي فيها وقـسم الهارع.. بـ أحـكــــام تــعجز من اسماه خبيرها..

واللي خطـٌره هـ الـدٌي خاطر بارع.. فـي ســــــرد ألامــــه وفي تصويرها..

ونا قـلت يــا خــوتي لزوم انســارع.. قــــبل الـقـوافي اتريح نـغـزل نيرها..

وضـايق عـلي الأمــــر فعـلا ً ذارع.. من نـــاس مبصرها مثيل ضـريرها..

وهي قـولت عـليوه ان جيت انذارع.. انضوق من أمــرار المر مر قطيرها..

وين مــا يقول العـقل نـشـقا بغــيرهـا.. تخـطر و يخـطر حــلوها و مريرها..


وين مـا انـــــــــــــــقول انــــــــضــبـٌـح.. عـلي حــق رايـح والـــــــعـرب تشبـٌح..

فــــــرعت نـــحل مـ الـــفــل داره جبـٌح.. وين مـــــــا رحــيقه صف سيب قيرها..

وزاد يـــــــاس قـاهرني غضيب مقبـٌح.. طرطش أمالي فـ الـــــعـشوش نحيرها..

وأسراب من طيور غـلاي بــات امذبـٌح.. كــــــي مـذبحت صبرا الــــدٌم غديرها..

اللي قــبـل كــانت بالـــســٌلام اتسبـٌح.. فـ أرض الـغـلا بـ الـحب يــغرد طيرها..

وخــوف من ابن ادم فـ الخــطا يصٌبـٌح.. ورا نــــاس مـن ذنبي الله لا ايجيرها..

خــــــيـر مـن جـنـيـٌت يــا الله لا تربـٌح.. قـولـت احـقـيـقي خوذ واخـلي ديرها..

وين مـا يقول العـقل نـشــــقا بغـيرهـا.. تخـطر و يخـــــطر حــلوها و مريرها..

بارك الله فيك على المشاركه

مشكور على هذة المشاركة الجد قيمة