خوذ بناتك

خوذ بناتك
عليك وعليهم ينشدن خالاتك
ماهم رجال أمغير
حذا شارون
قبرك وجاهز خوذها مضمون
يالهبل ياشيطان ياملعون
ليبيا وثارت م الوطا لزاتك
وماتفيدنا فى حكم يامجنون
وحتى سمانا غاضبة كرهاتك
قدرك وتبقى منهزم قزون
وتندب صفية ويندبن عماتك
وعلى حيط مبكا قلده صهيون
وذرف ونزل بالندم دمعاتك
وحق من خلقنا بين كاف ونون
رباية الذايح قررت شالاتك
الشعب وكره الطير والكانون
وكتاب أخضر فيه مقولاتك
ومن زيفك ومن صرف بالمليون
ومن عهر باين فى ذرا خيماتك
ومن شعب نصه منحبس مسجون
والذنب داروا خالفوا راياتك
ومن مال عدا شورها الجابون
الباين طمعها وينما سماتك
ملك ملوك أفريقيا والكون
رايس وقايد بينهم خلاتك
على عمر عدا ماعرف قانون
ودستور تايه فى خيوط عباتك
على كذب هالة فيه تلفزيون
على فعل فاضح ينقلن شاشاتك
على قمع درنة ومابكن عيون
على شرق أرضه مافيوم هواتك
على شعر نافق تبعه غاوون
على شعر خاين ماوصف صفاتك
لاشبهك بأبليس لافرعون
على شنق طالب ف الصيام وفاتك
ربى خسف بالأرض هالقارون
وقادر يشق اللى قوت شالاتك

للشاعر \سفيان بوطيغان