يا حاج فرقة نا

الشاعر روفه الدعبوب الرفادي (رحمه الله):

يا حاج فرقة نا .. من بو غثيث أتقول غيم أشتا.. رجاي منقطع
يا حاج فرقت حالي .. مع بو سوالف عل الضمير مدالي
لا عاد نشقابا ولا يشقابي .. حتى لو بكيت بدمع فيه دما
علي وين ما يخطر سريب الغالي .. ما عاد إيجيني نوم تحت أغطا
وناخذ الليل ونا أمغير أنشالي .. ويبقى قول حالتي هابا حفا ونقا

ويا حاج نصبر صبر .. ألقيت علتي لا هي مرض لا كبر
حتى و الحجايج بين شكل أوبر .. ودك علي روحك أدير عزا
ألا أمغير جابرني زماني جبر .. و القل شين ما تنظر امعاه زها
لام الميامي كيف ندع الحبر .. ربيع بغو ماجروة عروق نما
تريض في عفا لاقدع لاهي نبر .. ولا محادفة لاهي طقيق عصا
وترافق اللي مالدهر واخذ عبر .. تنسابها ماضي شقا و كدا
صعيبة عل اللي جن أيامه غبر .. أتراود ثنايا خاطرا أن غفا
أحلام كيف من بدل التبن بتبر .. وعواطف أنخاف ألا انموت بها
ولافات لاساحر و صاحب سبر .. ولا من أمخاوي في سما وطا
فتاح برج ويتقز ويشبر شبر .. وما من أمشعوذ له أفلوس هدا
وفي الاخرة هاللي سكن في قبر .. داير طويل الياس فيه رجا

يا حاج خذ مشحاطه .. غلا بوغثيث إيكيد في مشاطه
وحتى النظر عنه اليوم تواطى .. أمغير قهر للخاطر وضيق أوعا
لا إيريد دموه ولا إيريد إخلاطه .. لعياله يطارد في عدا و عشا
رسم سير خطتنا معاه تخاطى .. متوازيين مابينا هناك لقا
والوقت زاد صارتله معاه قحاطة .. لعياله أيطرد فى غدا وعشا
وأعتاز باع بندقته وباع أحلاطه .. واحذاه بردن ما من أسراب قطا
وخده علي كفه غفر مرباطه .. سليم كان عاود ما خذا وعطا
مالقل عمرنا عدا حشاك سماطه .. وشيب الحسايف في الخدود دبا