قصيدة ( درنة كانت )

من طرف opengod2000 2011-09-09, 3:54 pm

فرج بالحمد ومصطفى الطرابلسى

هذا شعر( درنة كانت )للشاعر الشاب مصطفى الطرابلسي وكي لايحدث لبس في تشابه الاسماءفهوحفيد الشاعر الكبير الشيخ مصطفى الطرابلسي ...

وهذا حوار شعرى بين مصطفى الطرابلسى والشاعر الكبير فرج بالحمد

الطرابلسى : عظم الله ياخوي اجرك فيها ..درنة انتهت واتريد من يرثيها

درنة كانت طفلة جميلة بالدلال ازدانت..من ظلم ياما ومن مصايب عانت

التاريخ يفخر وين مايطريها

فرج بالحمد : قتله بالك انها اشاعه.. بالك دعاية مغرضه وجاعه
منهاضوا ع الوطن شاع شعاعة العم والمسرح وياما فيها
درنه زمان بروحه القناعه غير الزمان الجايرات عليها
اياماً وهى تحمل بكل شجاعه مصايب الدهر وهدم مبانيها

الطرابلسى : ما عمرها للغزو ليلة لانت.. جيوش عاتيه انهزمن علي شاطيها

في ثوب بالي اليوم تبكي بانت..لاورد لاياسمين في واديها
علي ناسها سبحان توا هانت.. رجال غير في ذكرى زها ماضيها

خانوا عربها ماالدنيا خانت ..وبالكذب والتزوير عاثوا فيها

فرج بالحمد : مازلت امعاى املا الكون اسماعه درنه غلاها من غلا غاليها
جوار الصحابة فى ضرا الشفاعه .. يالا الرحمة قرب معانيها

كى اتشوفها وهى غافيه بوداعه حضن الجبل لاوى ايديه عليها
تعرف انها تاريخ فيه مداعه وتعرف انها تعشم وتوا اتجيها

الطرابلسى :شوف بحرها وجول.. في شوارعها وشوف احفرها

جف الشذا وماتن اغصان شجرها.. خلاص انتهت قول السلام عليها

فرج بالحمد : مش شوف احفرها شوف قمرها وانظر عرايشها وشم زهرها

وارجع بعقلك لاورا اذكرها اياماً وهلها خايفين عليها

عشاقها كانوا زها خاطرها .. عشاقها ما يحلفوا الا بيها

الطرابلسى : واصحى ماالعلالي يخدعك منظرها..سحابة زايفة قطرة نما مافيها

خساره كبيرة والربيع اخسرها ..مأساة درنة اطول لو نحكيها

وننقاني في خاطري نهجرها كي اتعود كي ماكان بلكي انجيها

ومهما بالكلام انقول ما انصورها ختام الكلام الله يلطف بيها

عظم الله ياخوي اجرك فيها

فرج بالحمد : اياماً سواقيها وشط بحرها متعه لعين الزاير اللى يجيها

شلالها دمعة حدف قاطرها تطريه يدفق ينتعش واديها

اللى هاسها اكرمها وعصرها وغيبت الجيه اللى اتم الجيه

والسر فيها امسها وحاضرها وبكره ..بفضل الله طوع يديها
مازال فيها خير لا تنكرها عروس المداين صيتها يكفيها وعظم الله يا خوى اجرك فيها درنه ما انتهت