تو خطرلك تبعد عنى

تو خطرلك تبعد عنى ..... تو خطرلك تمشى منى




وتنسى اليد اللى هناتك ..... والشوق اللى ظم اهاتك



واتخيب ياغالى ظنى



تو خطرلك تنسى ودى ..... واتهون وراك قناديلى



تو خطرلك تترك يدى ..... واتعدى لا وين احكيلى



بعد ماصيفت النوار ..... اللى لى زمان امربيه



بعد ماضيعت المشوار ..... اللى كنت انقول امعديه



هاذى هي اقدارى عندك ..... ترمينى من غير مودة



وهاذى هي جزاتى عندك ..... تتركنى فى وقت الشدة



ايش انقول الكل اصحابى ..... بدلنى بالغير حبيبى



ايش انقول الليل عذابى ..... وايش انقول الخصلة شيبى



نا نحلم فى حلم كبير ..... وانتا قصيت جناحاتى



نبى نفهم شن قايلك....... عقلك والا كيف يفكر



اسنين اتمشينى فى ظلك ...... واليوم الودى اتنكر



وهنت اليد اللى هناتك ..... والشوق اللى ظم اهاتك



واتخيب ياغالى ظنى

*********
قصيدة للشاعر الغنائى فتحى القابسى مدينة اجدابيا

مشكـــــــــــــــور اخي ,,,,
مع تمنياتي لك بمزيد من التألق والابداع

مشكــــــــــــــــــــــــوره ع المــــــــــــــــــرور
بنت طبرق الحرة