رد السلام علينا

حتى مجملة رد السلام علينا
واخطينا معاك مغير يا غالينا

رد السلام وسلم
حتى إن كان تدر ع الكلام تكلم
سفيت المواجع يا عزيز اتظلم
جنك وجيت ودرتنا ما جينا
دزينا دليل الليل وين اظلم
إن كان اتريد تضحك يا عزيز اشقينا
وبرق الغياض ايلوح ياما علم
ملي فيك صارت يا عزيز بكينا
إحنا ولحنا دانا دواه امسلم
فيدك وما غيرك دوا يبرينا
يبقالك وصيف العقل وأنت امعلم
امغير كيف ما نبوا ارضاك ارضينا
ينزح المالح والبقر يجلم
وتمطر بحيط وما غلاك انسينا

رد السلام وسال
قالنك ايش حالك قول كيف الحال
يا بومسيال كملت جمال
مانا طوايع كيف ما تبينا
من كونك اغليت نين اهبال
نين قصر تذكار لغلاك بنينا
وبها الشي بكل دلتنا بأفعال
اتقول في خنادق نبرموا تمينا
صيور القمر يصغر ايرد اهلال
ويصيف الربيع وكل شي في حينه
وكيد الرشاء والدلو ع النشال
وأوقات الورال يرضع اشنان الزينة
واللي ما يزيد النقص كي الأخلال
يجي أوقات يبقى طال حي جرينا
خذ من التجارب يا عزيز أمثال
تلقاهن علي حالك وسم اسقينا
ما هناك شي ولا وراه زوال
امفيت الكريم اللي عليه اعبينا
والأقسام يلي مانك مواسع البال
اعزل بين كان صاحب وبين قرينا

رد السلام ورد
همتسيطر عليه العقل مالك مدة
وحط العلل في الأرض قبل اتعده
برق الشفايف سلسلة واغرينا
رانا عليه وقوف ساهل هده
قدام قسو عينك يا عزيز حطينا
طنانا أرياف انفكروا ف الردة
مشاغيل لو تشرف علي غاشينا
وإن كان يا حزام الجيد ما اتنده
اسموح بالبكا يوم الفراق عطينا
أسبوع يطقر تاخد ابكا من جده
علي وعليك وع الغلا وجنينا
بكا ودو فاقته ولد هو حده
مضروب في خلا خالي حسوفة شينة

رد السلام بطيب
وبطرح يا اللي قاصر علي الترحيب
الماء والغلا والملح بالك عيب
بعدهن بها رمة جفا تطوينا
امغرب مع لغب الزمن لغيب
لك زمان ما حازاك حجاج بنينا
امشرق انظر مارقت بالتعصيب
وكيف حالنه عينك تبات حزينة
ولا متكي بيدك علي أم جنيب
وفاحتك عليك بسم فالتحضينا
ورجيتك شقاء للعين نين ايشيب
وبعادك علي غلا رانا كوينا دينا

رد السلام بهدو
علينا ومنك وين انريد انغدو
يا بوحواجب كيف لون الندو
حروف نقص في عينك اتبان قرينة
وكانك اضحكت الضحك عن السدو
وهناك يضحكلك وين ما جارينا
واللي بيننا فلو فراق الهدو
حتى هو مليط ايجوح ماو خاطينا
هناك وين طابلهم النوم ارقدوا
وانا وانت نطنو عالسمور خدينا
هدوم هم اللي قلب الرحا اقندو
بلا صدار بضارة بضار ضغينا
شوري وشورك يا عزيز اجردوا
نتاغوا على روس الاحراب مشينا

رد السلام إن كان
تقدر على رد السلام أمان
وامنيش غير قلنلك أنت زعلان
وايش فيك درنا يا امغرغز عينه
لك مكان ف الخاطر كبير وشان
واسعدك زين من حظك وراك جرينا
كلا للفرر ما عندنا جنحان
لو كان عندنا مانك اللي تورينا
ع الحول وين ما تكبر النار اتبان
وفي مكانها مكبر النار عوينه
ونار عزيز غلاه بين اركان
للخاطر اتجي واتريض نين هفينا

رد السلام ورد
بالك للغلا يا بو عيون اتعد
داير للمواجع حد
وحد الله ولا تغيض نبينا
ولا عاد عليك ولا جديد اتشد
رجايف علي صقع الخطا ذارينا
وما عاد اطول كي للبعيد اتمد
اسدود عليك حواشبهن علي سدينة
مطروح طرح كانك تريد تغد
اعدادك علي طاريك ما يغتنينا
والسبت سبت متكفي وراه لحد
واللي من عسل تقسم دوا تبرينا

مشكـــــــــــــــــــــــــــــور...

مشكـــــــــــــــــــــــــــــور..

مشكــــــــــــــــــــوره ع المـــــــــــــــــــــــرور

مشكــــــــــــــــــــور ع المـــــــــــــــــــــــرور

مشكور وبارك الله فيك

مشكــــــــــــــــــــــور ع المــــــــــــــــــــرور