جفيت جفاتك

جفيت جفاتك ............ ما انذّل عيني بكونها حباتك .... اردود الكفا واجــــب

واجب العين تهونك .... وزايد عليها بيش نين تصونك

مادام هنتها ما عاد اتعد عيونك .... وتعد روحها في الاصل ما غالاتك

انت الغلا للعب في قانونك .... وهي بيه غلطانه اللي ودّاتك

تحسابك انسان قدير في مضمونك .... اتحس اتّألم كيف ما ظنّاتك

القاتك عديم احساس باهت لونك .... شين الطباع بعكسهن صفاتك

وفهمت عليش امبنّيات ظنونك .... اتريد اتسلّى من عدم رأياتك

دوّر اساع تلقا عرب يشرونك .... مادام نفسك بعتها باعاتك

وصيّورك اليد اتعضها بسنونك .... وتندم ندم ما يفيد طول حياتك

الاّ نا ارخصلي مرتحل من دونك .... اعذرني اعفيني من جرر غيّاتك

الله ايسامحك وابعد بعيد بعونك .... نفسي عزيزة تموت ما قبلاتك

ياريت الكلام ايحز في مكنونك .... الاّ نا العين اتعد ما راعاتك

مشكور ربى يطولنا فى عمرك يا حمادى بارك الله فيك

مشكور ياحسين علي الشعر الجميل

محمد بومكتوبة\\\بارك الله فيك
وطول عمرك

تحيانى

مشكووووووووووورياحسين على هذه الكلمات الرائعه
تقبل مروري ويطول عمرك

مشكور بارك الله فيك
طول في عمرك ياخال
علي المرور والاطلاع

واجب العين تهونك .... وزايد عليها بيش نين تصونك
والله سمحه يا سحس ... ننتظر المزيد ...

مشكور حبة مسك
بارك الله فيك
وطول فى عمرك


تحياتى

مشكورين شباب على هذا الشعر الشعبى ا لجميل

امنور يا بوفرقه على المرور

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل