المعتصم نجل القذافى يهرب فى رتل عسكرى من مدينة سرت الليبية

بدت قصة هروب ما هروب ان شاء الله خير

من الاول المعتصم ما كانش في سرت واحمد باني يحكي وخلاص وللاسف ما عنداش مصادر موثوقة وهوقاعد في طرابلس عطيه لقاءات ومؤتمرات صحفية وخلاص والله العظيم يا خذوا سو اللواء عبدالفتاح اللي عمره ما غاب عالجبهة وكان لما يقول الكلمة يقعد متاكد منها 100%
والله ملينا من الكذب والادعاءات واللامبالاة وللاسف ان المسؤولين ما عندهم اي اعتبار للمواطنين يعني كان تبي تثق فينا اهلاوسهلا وكان ما تبيش اشرب من البحر
يستر الله وخلاص بس الواضح ان ما فيش احد من القادة العسكريين امعبي مكانه صاحوصدق اللي قال(كلمة طير تنقال للصقر والدجاجة بس المعنى معروف من صاحبه)
شكرا لكي زهرة وارجو ان لا تستغربي من ردي بس والله الحالة تفصع الرقبة
فعلا

السيد باني قادر غير عاللبس الرسمي والبوزات والتصريح ... القذاقي اوعويله دمروا ليبيا واهربوا كلهم واحد بعد لاخر ، ما امسكوا منهم حتى واحد ..... دليل من أدلة التخبط وسؤ إدارة الأزمه ..... لم نسمع ولم نرى أي أثر لوزير الدفاع طوال مدة الحرب ....

اي وزير دفاع اخي ابن البادية السيد الدغيلي الي غاطس في دم الشهيد عبدالفتاح لعند مرافقه او العيساوي العميل ولي ولي ولي المجلس التنفيذي تبيلة ثورة اخري

والله المفروض توا يبدن مظاهرات ضد هالتماثيل الي قاعدة في واجهة ليبيا وياريت حتى يقدروا يحركوا رجل كرسي الا مناظر قاعدين ومحسوبين عالدولة من امثال الدغيلي وباني وغيرهم كثيرين وللاسف ان المجلس قاعد يتفرج وساكت واكيد الناس مش رح يسكتوا اكثر من هكي عالفوضى الي سايرة في البلاد وكان تبوا الصح مفروض يطلعوا الناس كلهم ضد هالانتهازيين اللي قاعدين عشان البهرجة وخلاص ويسرقوا في اموال الليبيين
نسال الله ان يورينا في كل متخاذل او انتهازي يوم اسود

صدقت أخى عبدالحفيظ رغم كلام الثوار أن سرت محاصرة من جميع الجهات الا أن الصعلوك هرب كيف هرب ؟ هنا مكمل السؤال اما ان سرت ليست محاصرة او هناك ايدى خفية تساعدهم فى الهرب وهذا امر خطير او انه طار فى الهواء ولم نراه ايعقل ان يهرب فى رتل ولم يلاحظووووووا ....عجبى

يهربون كالجرذان..اكيد في انفاق الثوار مش عارفين مكانهن..
مشكورين للمرور والمتابعة الرائعة.وفقكم الله

لازم من عملية تطهير لبعض الوزراء والتماثيل والخونه والمتسلقين
من امثال الدغيلي وبوكتف وباني وغيرهم ولو بالقوه واللي انشوف فيها
جايه وقريب
واول حاجه هروبهم من مدينة طبرق قبل ثلاثة ايام لما حاصروهم ثوار 17 فبراير في فندق المسيره
ومازال اذا كان مالبوا رغبة الشعب واستمروا في المتاجره بدماء الشهداء
ولله لولا هالشهداء ماقدروا يحكوا ويقعدوا وزراء

يا جماعة الفلوس ادير كل حاجة
زد علي ذلك ممكن فيه انفاق من سرت الي خارجها
ممكن زي ما قلتو فيه اختراق للثوار من الطابور الخامس
مجرد تكهنات بس كل شئ جائز