قصيدة المرحوم المبروك الزول الحاسي عام 1977

من طرف **عبدالحفيظ عوض ربيع** 2011-10-09, 6:23 am

قصيدة المرحوم المبروك الزول الحاسي عام 1977 وكانه يرى ما حدث الان ... رحمه الله

ياعون من جاه النبا من شرقه .............. وقالو على الملعون ناضة برقه
ياعون من جاه النبا بالنوضه ................نوضة الوطن اللي شبيه الروضه
وبات النعيل فطيس مكفي حوضه ........بعد يوم بانت فيه شمسه زرقه
اذهب عالصوائب صرته منقوضه ........... يفرفش براسه سايرتله غرقه
ياعون من جاه النبا من شرقه .............. وقالو على الملعون ناضة برقه
ياعون من جاه النبا من غادي ............ يهدوا ضنا برقه خيوط سدادي
ويسير يوم في المنعول يوم عنادي....... نين يوهق اللي خائف ويابس عرقه
نهار غيض من يومه نهار طرادي .......... انفك صار من داروا عزاه وفرقه
ياعون من جاه النبا من شرقه .............. وقالو على الملعون ناضة برقه
ياعون من جاه النبا ميازي ............... من برقه البيضاء شرقها بنغازي
وبرقه الحمراء خطها متوازي .............. والمرج عالبيضاء رفق في الطرقه
يوروا نجوم القائله للنازي ................ يوم الملاقه ضرب مو بالدرقه
ومنعول بوه في صغاه يعازي ............. ميت بصفره كبدته منحرقه
ياعون من جاه النبا من شرقه .............. وقالو على الملعون ناضة برقه
ياعون من جاه النبا في ساعه .......... في برقه يقولو سائره بوزاعه
و درنه و طبرق نارهن ولاعه ............ دارن نهار زاد دخانه يرقه
الا عاد بنغازي اصحاب شجاعه .......... اجواد يفزعوا هلها فوان الشرقه
يخلو نهاره ليل لون قناعه ............... نين من سواده نجمته منزرقه
ياعون من جاه النبا من شرقه .............. وقالو على الملعون ناضة برقه