صار يوم ف البيضاء وفي شحات ايجيب الفخر زغرتن يابنات

من طرف **العاشق الصغير** 2011-10-17, 10:39 am

الشاعر جمعه بوريا البرعصي

قيلت في شهر 3وانشاء الله انزل الملحق

صار يوم ف البيضاء وفي شحات ايجيب الفخر زغرتن يابنات

صاريوم ف البيضاء نهار شهير نهار الخلايق ع العبيد اتغير

بصدور عاريا لاقو لهيب ضخير والي هو توفا لا قولو مات

انشاء الله عند ربه في جنان وخير دلال وصرور وحن حوريات

صار يوم ف البيضاء وفي شحات ايجيب الفخر زغرتن يابنات

صار يوم ف البيضاء وفي قورينا لنكانك اتعزي م العزاز علينا

دونك انهبو م البلط للميناء غبا وين لويفضل الا حتحات

ايعيش في كرامه مي حياة امهينه مع قرد موحاسب ولاصوات

صار يوم ف البيضاء وفي شحات ايجيب الفخر زغرتن يابنات

صار يوم ف البيضاء ولبرق صارنهار تنادولا الي جسار

وتمو ايهدو ياولد اصدار علي عبيد جابوهم النا زفات

سيف وخميس وكاهنن جزار ايهودي عميل للموسات

وصار يوم ف البيضاء وفي شحات ايجيب الفخر زغرتن يابنات

وصار يوم ف البيضاء وحومت درنه اوعاد الخلايق ع العدو منقرنه

اوتما تلاميده اتقول افورنا نبا بيع جنهن من اشبوب ازعات

الي ماقتل يسر الله قدرنا علي قوة بصدور عريانات

وصار يوم ف البيضاء وفي شحات ايجيب الفخر زغرتن يابنات

صار يوم ف البيضاء وفي بنغازي مظلم ولكن تسلمو ياعزازي

رديتو الي جاكم بجيشا غازي ورد ع الجزيره والنايل سات

ايشوش ويقتل طباها ف النازي هتلر الي اكسر بعد طغوات

وصار يوم ف البيضاء وفي شحات ايجيب الفخر زغرتن يابنات

صار يوم ف البيضاء وشور اجدابيا وتما مقابر لجيوش الرابيا

غباوين لوتمن مباني هابيا دون الشرف وعيون بو نفلات

وقولولهم هلي اتخاب الخابياه كرارت احبال لجان ثوريات

عارفينهم ب الاسم ماهي غابيا ورانا اجواد انسامحو مرات

صار يوم ف البيضاء وفي شحات ايجيب الفخر زغرتن يابنات

صار يوم ف البيضاء وفي مصراته ليوم لا يومين دباباته

قصف وغزارت نار راجماته ايزيد ازياده ف القلوب ثباتا

فراسين كسر كسرو قواته عند المداخل مادخل سحات

سجلهم اكتاب العز في طياتا التاريخ خشو من اوسع البابات

صاريوم ف البيضاء وفي شحات ايجيب الفخر زغرتن يابنات

صار يوم ف البيضاء وشور الزاويه وعاد الذخيره كي مطر متقاويا

جاته علي خشمه مشاء للهاويه فيها امعمر مارفع رايات

نين خلاها ع الوطا متساويه ضرب بابوارج ودك طيارات

صار يوم ف البيضاء وفي شحات ايجيب الفخر زغرتن يابنات

صار يوم ف البيضاء وف الزنتان وانكنك بكيت ابكي علي فرسان

نلقانهم الراس ارفعو ف الميدان وطامن الي خايف بعد خوفات

ناسك كواسر ياجبل غريان احمات ليبيا من قبل في مافات

صار يوم ف البيضاء وفي شحات ايجيب الفخر زغرتن يابنات

,,,,,,,,,,,,,,,,,,,,,,,,,,,,,يتبع