مي عادتـــــــــــــــــك

من طرف اسماعيل ادريس 2011-11-13, 1:21 am

مي عـــــــــادتك سلتك بربـي خيرك ،،،،، شن قصتك ماتقــــــــــــــــــــولي لاباس

حــــاز من مطاميري حمول شعيرك ،،،،، على شنـــــــــــــي ناوي ياخيار ا الناس

امغرّق القيتك من وراي حفيــــــرك ،،،،، ويش فيه عنــــــــي وســـط راسك داس

لاوي علـيْ وجهك جفــــــــاك نذيرك ،،،،، مسونح جهامه بــي مانك حــــــــــــاس

تقــول موش انت حــد ثانـــي غيرك ،،،،، مسكّت اسكاتك درتلـــــــــــــــي ولهاس

بلا جميل منـي واجبـــــــــي تحذيرك ،،،،، خوف من الراس يجــــــي عليه الفاس

أجــــــــزم وحـدد م القصير مصيرك ،،،،، ولاتضل كي جنّاية الترفــــــــــــــــــاس

مطوطــي على قصــر النظر تدويرك ،،،،، خلــــــــــي صحيحك م الصحيح اساس

غبشت بيدك ليش صفــــــو غـديرك ،،،،، مغثّر ايقــــــــــــابل بالعــــــــــذا منداس

حيرتنــي حـــق من بدع تصـــويرك ،،،،، ماك بصفا مشكــــــــــــــوك بيك مساس

غشاش دارلي ظلمك جنا تجـــويرك ،،،،، جــــــارح احساســي وماحساسك ماس

وخـــــاذ ع المفاصل عقّبه تكسيرك ،،،،، بلا سبب منـــــــــــي خاشلك وســواس

وجـــع صابنـــي منك،، الله ايجيرك ،،،،، منه انجــــــــــــــــــاك ايدير فيك محاس

تنفخ عليْ تقــــول مانـــــــي طيرك ،،،،، لاكان جــامعنا غــــــــــــــــــــلا بحساس

دبّر وكـــــــــــون حكيم في تدبيرك ،،،،، را الناس خـــــــــــــــــــالقها الله اجناس

إلا خاطـــــــــــــري ماغيّره تغيرك ،،،،، لايغيّره دامين لــي انفــــــــــــــــــــــاس

غلطان اصحــى حــــط في تفكيرك ،،،،، لانــــي لمد لاصنعتـــــــــــــــــي سنداس

رفيع نفس تعرفنــــــي بلا تذكيرك ،،،،، مــوش نا اللـــــــــــي تحت القدم ننداس
~~~~~~~~~~~~~~~~~~~~~~~~~~~~~~~~~~~~~~~~~~~~~
وسلمتووووووووووووووووووووووووووووووووووووووووووووووووووووووووووووووووووا