لــو افترضنــــا ..... رضينــا الواقــع و اليديــن نفضنــا

لــو افترضنــــا ..... رضينــا الواقــع و اليديــن نفضنــا ..... تقــدر علـى النسيــان

فــــــرض رضينـــــــــــــــــــــــــــــــا ..... الواقـع رضخنـا عالاحســاس وطينـــا

و فرضــاً الفرقــى و البعــاد نوينـــــا ..... و مـا ضغـوط هلـي كارهيــن رفضنــا

و فرضـــاً ورقنــا و الصــور شقينـــا ..... و عزقنــا هدايانــا عليهــن غضنــــــا

ظنّـــك يمــوت و ينتســـى ماضينــا ؟ ..... و يبــرد مـع طــول الايــام رمضنــا ؟

و ظنك يجافـــي موجنـــا شاطينـــــــا ..... و نجفـوا جنايـن فـي عفاهن رضنـا ؟

و ظنّك يمـوت الشـوق فيـك و فينـا ؟ ..... و صوّرك اللي في القلب ما تنقضنا ؟

و ظنّك خيالك فـي الوعـا مـا يجينـا ؟ ..... و لا نوقضــوك بحلـــم لا توقضنــــا ؟

و ظنّك ان صـــادف يـــوم و تلاقينـــا ..... مــا يـــرق لايـــام الغــرام غرضنـــا ؟

و ظنّك تغــض الطـرف و تجافينـــا ؟ ..... و لا تقول حي لو نرتمي في حضنه ؟

و ظنك الدمعــه مـا تفيــض علينـــا ؟ ..... ليــا كــان عالماضــي حديثـــاً خضنــا

و ظنك نــردّوا عــن يديــك يدينــــا ؟ ..... ما ننهضـوك ان طحـت لا تنهضنـا !!


فــرض احتلنـــــــــــــــــــــــــــــــــــــا ..... رضينـــا الواقـــع و الفــراق اقبلنـــــا

و فرضـــاً نسفنــــا للريـــاح جبلنـــــا ..... و لعــــلام قـــدّام الظــروف خفضنــــا

و فرضـــاً مشينـا حســب رادة هلنـــا ..... و بجديـد عـن ماضـي الغــلا عوّضنــا

ظنّـــــك اللــــي تمّـــوا بدايـــل للنـــــا ..... علــى كفوفهـم نلقــوا دوا لمرضنــا ؟

و ظنـك يصيــروا شغلنــا و مشغلنـــا ..... و معاهـم شـرود البـال ما يقرضنــا ؟

و ظنـّك يطولـوا روق فـي مناهلنــا ؟ ..... و تبـان زبـده لـو مخيـض مخضنــا ؟

و ظنـك و ظنـك شــوق ظنـك قلنــــــا ..... و فــي كـل ظنـك ظــن بيـــه لفظنــــــا

لا و حـق مـن دم و لحـــم جاعلنــــــا ..... و على امانته ، يغضب ان ما حافظنـا

لا نخذلـــوك و لا اللـــي تخذلنــــــــــا ..... و لا نفرّطـوا فـي الصـوب لا فبعضنــا

علــى العهـــد ليــن يلمنـــا منزلنــــــا ..... ولاّ مــــلاك المــــوت يتعرضنـــــــــــا
~~~~~~~~~~~~~~~~~~~~~~~~~~~~~~~~~~~~~~~~~~~~~~~~