قصيدة زهرة اللوتس(كل عام وانتي بخير )

من طرف **العاشق الصغير** 2011-12-06, 3:40 am

قصيدة زهرة اللوتس

ألا يا زهرة اللوتس مساء الورد والأزهار
مساءٍ من عبير الفل والكادي وريحانه
ابا اعزف لك قوافِ الشعر وظلوعي لها اوتار
عظيمات القصايد لجل عينك بأبدع الحانه
كأني الفس برسلي وكن الشعر لي قيتار
عزفت احلى ترانيم الهوى كله على شانه
مشاعر قلبي الغيّاث تجري لك كما الانهار
لجل عينك ترى بأغير العالم والوانه
أنا ب اكون لك بردك اذا مسّك لهيب النار
ابا اخذ من نيرانك وقلبك بأخذ احزانه
أنا مشتاق لك جداً من شوقي لكم محتار
احس القلب من شوقي يثور بعنف بركانه
ألا يا ليتني طيرٍ ليا اشتاق الولايف طار
على كيفه يسافر ما يرده غير جنحانه
أنا من توي صغّير اعرف ان البحر غدار
ولكن جلسة المغرب على رمله وشطآنه
ترد الروح وتداوي جروح العاشق المنهار
ويسرح به خياله لين يوصل عند خلانه
سرح بي مره وفكري تعود دايم الابحار
طرى لي كل ما عدّا من الماضي وازمانه
ابا احكي لك حكاية حاكمٍ ما هزه الاعصار
وقف ضد الزمان السرمدي ثابت على اركانه
وقف كنه جبل متحديٍ مع قوه التيار
عواصف دنيته تعجز تغير كلمة لسانه
عطى الي حوله الآمال والفرحه وخبى اسرار
تبكي من سمع فيها وصار الجرح عنوانه
بحور الشعر هبي لي انا الحاكم وأنا البحار
وأنا شاعر اساطيل القوافي صرت ربانه
اجوب البحر بحارٍ واجيب اللول والمحار
ليا جت حاكم الفكره سجد شعره وقيفانه
وقمت أطلق عنان الفكر قامت تسرح الافكار
مروج الشعر ثم جابت عقد ماسه ومرجانه
أنا الحاكم وأنا الفارس وأنا الشاعر وأنا البيطار
قواف الشعرفي راسي واانا ماسّكه بعنانه

عيد ميلاد سعيد وكل عام وانتي بالف خير

تحياتي أخيك العاشق الصغير