مالك ومال غراما خلي العقل متريح عقاب ايامه بلا امنابشا

من طرف **العاشق الصغير** 2011-12-07, 6:28 am

مالك ومال غرامه ** خلي العقل متريح عقاب أيامه ** بلا معاكسه ما لك ومال سريبه ** مغير يتعبك مدعاه لا تشقيبه عارفك جميلة ما هواتك عيبه ** هو اللي ظروفه للغلا هدامة صعِيبة لقِيك وفِيك ياس وغيبه ** ياسك وراه وغيبتك قدامه طاع امر ياسك نفذه ورضيبه ** بطل من مشاكل عدوته وخصامه رضي في الحياة بقسمته ** ونصيبه لقيه مو طويل غطاه ضم اقدامه ................................ مالك ومال غراضه ** خطيه قبل فيه الماضية تماضا ع الخاطر انوضن من جديد غياضه ** وراى شي فاشل خايبات أحلامه حتى لو بناه وسقمه يشاضه ** فسارته أبياس مفسرين منامه وعارف خياه المختفي بأعراضه ** الخربت سريب غلاك ريت علامة ونا بغدر لا نقضى ولا انتقاضه ** ولا من نواه بغدر قلبي رامه إلا من يخادع يخدعه بألفاظه ** غلا بغش ما يهلب مع صمامه ومازال صابر في جفا مرياضه ** حذا زنايقك يلزم بلا لزامة القصد موش متغلظ عليك غلاظه ** غير الهموم مقويات عزامه ما يقرضوك إن ميعدوا قراضه ** بداية الجمال أنت وفيك أختامه إن ريتك نزيد إيمان واستيعاضه ** بحكمة الله وقدرته وأنعامه جبينك أضداد حمورته وبياضه ** تعادل اسود امحوجبات ميامه اكبار في عشايش ريحهن نفاظه ** عيونك فواهق ليل جار ظلامه غثيثك غزير إن نقظه نقاظه ** هلب نص روبك نين فات حزامه وعارف إن كان العقل سوقك خاضه ** ضامن خساير فيه وانهيزامه يزيده نكد وأمراض فوق أمراضه ** غلاك بخطاك مهددات أقسامه ....................... خلـــــــــــــــــتي خاطري مرتاح ** الله يريحك يم العيون سماح نويتي لقلبي لا غلا اجتياح ** غلاك للخطر يرمز بلون أعلامه وهو للملاقه ما معاه سلاح ** حامل رموز السلم وإستسلامه بطل في سبيل الصوب م الكفاح ** علق أعلام أبيض وفيه حمامه مفهوم السبب واضح بلا شراح ** ظروف مالنا منهن طمع في لامه وإن عادل غلا مهرك غلاك وماح ** وخاطرت ع اللي موجته تطامه خايف اينوظن ف البحر لريــــــــــــــــاح ** بما يكره البحار والعوامه يدير في طريق المارين سناح ** الجيل لولي لو كان زرب كلامـــــــه قال من يبدد ماه ع الضحضاح ** يندم ارياه وما تفيد ندامـــــــــــــــــه وصوب ع الخطا مبني بنى موصاح ** يطول يقصر للخراب أختامه وإن كان مقصدك تزهى بقوله طاح ** هيالك اتسير وترجعي بسلامه وحق من أبها زادك ثمان أملاح ** من غير دق خلق تحت عينك شامه علي نص شبعة ف المري ركاح ** إلا شبعته في وطن فيه وخامه يموت م العطش حتى وهو منذاح ** يغريه اللصيف وع الندء يتعامه مجرح وجارح ما نهاب جراح ** معارك وطالع من معارك يامه مراحل الصوب اجتزتها بنجاح ** خذيت في مجالاته وسام قدامة