الخاطر ضايق يالاولاف

من طرف **عبدالحفيظ عوض ربيع** 2011-12-07, 4:25 pm

الخاطر ضايق يالاولاف ... ربيعا صاف ... مكسور وكسره بخلاف
****
الخاطر ضايق ذاق المر ... سريبك ... جر وتما في ديموم يكر
يشاكي من جرحك غاير ... العيشه عاف ... بلاكم ياخايل الأوصاف
****
الخاطر ضايق ياغاليــا ... كاثر ديّــا ... واحل في جرنار الغية
وفّا وكافيتي بالسية ... منك صاف ... ربيع غلاكم تم جفاف
****
الخاطر ضايق مابا يروق ... علي حن غلاكم متربي
هنا ما ذاقة لابا يــذوق ... ولا نيرانه بت تهبــــــي
اللي منها تما محروق ... وطبابة واحل في طبي
زويل اللي طوله ممشوق ... هاويها وهيا ماتبي
وصف الريم اللي مطلوق ... كامل توصيفه من ربي
اليوم تما بابه مغلوق ... عليا . وبان اللي متخبي
حسبتا نا ليا معشوق ... وهو بايع في سوقه حبي
تميت بعبرة مخنوق ... بلا كفاف ... يجي دمع عيوني ذرّاف