مناهل الغلاء / روفه الدعبوب

مناهل الغلا ماعاد ندعه فيهن
ادلى موحن عادو اعطاش ارويهن

ماعاد فيه ابلاله
لا وراد لا سقاى ولا رساله

ولا دعاك ولا شكت ارشى نشاله
ولاعاد اتذرف مالشراب ادليهن

ولا من ترزن وين وارد ماله
ايجلى اهموم العقل ويزهيهن

ماعاد فيهن قطره
ولا عاد طاريهم عليهن يطره

الا غيض مالماضى علينا خطره
غير على لوهام كيف انجيهن

ذكريات من همس الزمان وسطره
امتورخات فالخاطر ومو ناسيهن

تهاين امهايات الفطيم الشطره
ايام دنو غاشينا مع غاشيهن

وفيهن نفسى ورد الشباب بعطره
دودانته للوان حارن فيهن

شبابات في عزهن نشن ع الفطره
ماغيرن صيغة اللي ناشيهن

شكرا لك اخي علي القصيده
تقبل مروري السريع
تحياتي لك:
المهندس

بارك الله فيك

مشكور علي القصيدة الرائعة وارجو المزيد