هذة بنغازي يا بغدادي

تحسابها العراق يا بغدادي
بنغازي عصية ما اتهاب العادي
تحسابها الأنبار
وتحساب هلها راضيين العار
وتحسابها تخشى لهيب النار
وتحسابها ترخص كما الرمادي
وتحسابها بكمشة دروع أنصار
اللعنة عليهم بايعين ابلادي
امع دعم مصراتة جهار نهار
اتسيطر عليها وتاخذوها عادي
جاك جيش نازل يوم من الأبيار
والرجمة وبنينا منحدر من غادي
صبا امعاه الشعب غار وثار
اتريس وتنادوا شامخين ابوادي
وبنغازي بضناها رافعة الشعار
النصر ولا النصر ع اللي عادي
بنغازي العصية بجيشها المغوار
لبوا نداه الوطن وين اينادي
بنغازي وعربها اليوم ردوا ثار
ضنا جيشها ثابتين ع المبادي
ويا اجدابيا مبروك الانتصار
وياسرت عقبالك بعون الهادي
وكل من عاون دولة الفجار
دونك القدس الها جاهد غادي
في ليبيا ما اهناك شي كفار
في ليبيا باسم الجهاد اتنادي
تنظيم داعش يا الله ينهار
في ليبيا غير نشبكوا الأيادي
تحسابها العراق يا بغدادي
بنغازي عصية ما اتهاب العادي

رائعه

أسأل الله العظيم رب العرش العظيم أن لايضيعنا ولايخيب رجائنا فيه