وين ما اتجى للنوم ..

من طرف opengod2000 2012-01-12, 11:35 am

ويــن مــا اتـجـي للـنّـوم ..بالله يا عزيز إذكر اللّـي محـروم

م النّوم والهنا

*****

ويـن مــا اتـجـي لمنـامـك ...وتعيش فْ سعادة دايمه بأحلامـك

بالله يا عزيز إذكر اللّـي قدّامـك ...انهالـن دموعـه راقّـه لعـزوم

بِكِي من خطاك ولوعتك وآلامـك ...والأيّـام قبلـك ضوّقنّـه سمـوم

وتخطيمك من يالاي وان سلامـك ...شـوّن منامـي ضيّقـن لعـلـوم

وانسيتني وانسيـت كـل كلامـك ...ع الشّوق والمحبّه وكان غبت اتلوم

وخلّيتهن أيّامي سود كيف أميامـك ...الله يسامحك مانك اللّـي مذمـوم

ويــن مــا اتـجـي للـنّـوم ...بالله يا عزيز إذكر اللّـي محـروم

م النّوم والهنا

*****

ويــن مــا اتـجـي تتّـكّـى ...وناسـي الدّنيـا كلّـهـا تـاركّـه

بالله يا عزيز إذكر اللّـي ايتبكّـى...عليك دمعته تنهـال طـول اليـوم

والوقت مـن قبلـك عليـه اتّكّـى ...خـلاّه شاقـي ومالزّهـا مـعـدوم

وايديـه للمولـى رفـع يشّـكّـى ...وما غير ربّنا ينصر اللّي مظلـوم

ويــن مــا اتـجـي للـنّـوم ...بالله يا عزيز إذكر اللّـي محـروم

م النّوم والهنا؟

*****

ويـــن اتـجــي تـرتــاح ...بالله يا عزيز إذكر معـاي جـراح

بِكْيَـن أنظـاري غيّبـن الافـراح ...حتى إن لمت ؟ ما ينفع معاه اللّوم

مجبـور ننساهـن أيّـام سـمـاح ...معاي كان في بحور الغرام ايعـوم

*****

ويــن مــا اتـجـي للـنّـوم ...بالله يا عزيز إذكر اللّـي محـروم

م النّوم والهنا