هالعزم وين القيته اللي به سريبي ياعزيز انسيته عليه دلني

من طرف **العاشق الصغير** 2011-12-23, 8:25 am

ظـــلام الليل وخطور الحباب ....... وضيق العلم خلفلي سمـــور .......

نطـــرد فيه ثاريته سراب ....... ونا عطشان في صيف امحـــرور .......

اذهبـــت اذهوب ياسود الحجاب ....... القيت الوطن موحش فيه قـــور .......

نريد انرد وجعني اجنـــاب ....... انقمعز غير مانقدر انثـــور .......

امســـاني ليل والقيته اجداب ........ لاله وحي ولا زقت اطيـــور .......

وبيـــت خلو نسمع في ذياب ........ اعواهن عياط الفجـــور .......

نميـــم سمعت كي زومة الناب ....... علي ميراد كي لون المـــرور ........

امعـــاه مشيت نستجهم منهاب ......... لقيته حيط ثاريته اقبـــور .........

الحاصـــل نلت تفجيع وعذاب ........ قعدت انلط ف رقاب الديـــور .......

اوجـــوه الفجر حسيت التراب ........ اقبالي فك من عند السيـــور .......

ودار الضحك كي لون الضبـــاب ....... وقبلي باب ينفخ فيه قـــور .......

ولانـــي قوت ولاعندي شراب ........ امغير العزم ياقح فالصـــدور ........

ثاريـــت الياس من فضوة اصواب ....... في ايسوق جابرني جبـــور .......

ارزيـــت ف هذب كي ريش لغراب ....... اربايت عز عاشت في قصـــور ........

وهلهـــا لي مازلو اصحاب ......... ابعاد الدم هم فأين ابـــرور ........

اسمـــاح النزل في حومة الباب ........ ف وادي صب سموه امعقـــور .......

وفيهـــم خور ياتي بالقراب ...... واسم الله سيتهم مجـــرور ........

ومامـــن ثلب داروله احجاب ....... ازرق فاللون شوشان امغصـــور ........

ومامـــن نقح ف خشوم السحاب ........ عليهم حاش يصهل نبـــور ........

وانـــرد عليك ياسمح الوجاب ......... بشهادة حق في كل امحظـــور .......

انهـــم ربوك تربيات اخياب ......... اجواد صحيح غير مرتبابت الخـــور ........

وقســـمي فيك لطنه اسباب ........ وكثرة لويته والشي انقطع كي دلوي مليتـــه .......

هـــالعـــزم ويـــن القيتـــه ........ اللـــي بـــه سريبـــي ياعزيـــز انسيتـــه ........ عليـــه دلنـــي ........

للشــــــاعر نصيب السكــــــوري

وانشــــــالله تعجبكــــــم...

منقوووووووووووووووووووووول