الدباشي : لست راضيا على أداء المجلس الوطني ولا الحكومة

ولله صدق فيه المجلس ...امسيطرين عليه ميليشيات مسلحه لاشرعيه لها
وتابعه لقطر وتنفذ اجندتها....................
يجب خلعه مثل ماخلع الطاغيه ومحاسبتهم ومحاكمتهم على مانهبوه وعلى رأسهم عبدالجليل....
.................................................
مشكــــورة اختي على التغطيـــة ...

وين يا اسماعيل الا تري بأنه المجلس الانتقالي سلم الامور من بعد تحرير طرابلس الي الحكومه الانتقاليه واصدر معالي الميتشار قرار اجمع عليه جميع اعضاء المجلس والغي جميع القرارات الصادره من رئيس المجلس وين يا غالي من تبي اتحول كل مدينه مسؤله علي الاعضاء المختارين منها وعبر تاريخ ليبيا دائمأ اترد الجميل هل من المعقول تقول كلام في حق رجل اجمع عليه الليبيين كلهم الرجل الوحيد من واجه الطاغيه في ما يسمي مؤتمر الشعب العام وانتقد قرارات الطاغيه المقبور من خلال كلامك انت متضامت مع من قامو بمهاجمه المجلس وسرقه محتوياته وقامو بجميع ما هوا مخزي في حق الوطن الجريح .
الا تري حتي اشكالهم وقحه حقيره لا يمكن وبأي حال من الاحوال نتضامن معهم وسنكون نحن وهم خطان متوازيان الي الابد
ومن ناحيه الدباشي ما صدر من تصريحات تخصه هوا هكذا يري الامور ولكن ليس صواب .
والجزئيه الاخيره هي ان نقول لك ( واسفاه)
مشكوره زهره

لاياخوي التمساح ...هضوم ناس كانوا فالجبهه وثوار صح من اول يوم
وانكان علي الانضمام الشعب الليبي كله انضم للثوره من اول يوم وواجه الخطر وخاصة من هم قريبون من الخطر صح....
انا ماطعنت فيه ولكن اسأل اي ليبي وهذي وجهة نظري الشخصيه
وبعدين ابطلنا مالتبجيل الغلطان ينقال له غلطان ياسيد وهو غلطان في اختياراته وعدم معالجته لعدة امور حصلت
وهو قاعد لخدمة الليبيين ومعرض للنقد وموش عيب وللا حرام
وانا ياسيد ضد الخراب وتقدر اتراجع موضوع موش متذكر عنوانه بالضبط
شن كتبت وشن قلت علي اقتحام المجلس والدمار الذي حدث فيه
لأنه مال عام وملك للشعب الليبي وليس لأعضاء المجلس اواي شخص
......................................................
موش عارف عليش اسفك وبالذات لي نا

كلام اسماعيل منطقى وصائب ميه فالميه

عطونا شى واحد اوخطوه تقدمنا بيها لقدام سواء كان قرار من الحكومه او المجلس؟؟؟

لى هذا يخدم لروحه يطلعو ويخشو وماشفنا شى على سبيل الامثله:

السيوله نفس ايام الثوره تم فك التجميد نسمعوها مليون مره

قضيه اللواء كل مره مغيرين النائب العام وتوا عزقزوها على محكمه عسكريه ومره يطلعوة نزيه او مره يقولو مزدوج ومره يرقوه ...

ملف الجرحى والمفقودين حدث ولا حرج

مشكله الجيش والمليشيات والسلاح لاتزال قائمه لليوم

فساد المجالس المحليه وسوء ادارتها لليوم

غوووقه بالتكسير والتخريب عشان تنازل واستقال هذا كلا ومش عاجبهم ويبو يناقشو الاستقاله لان غوقه فى نظرهم نزيه للدم

وغيرا وغيرا وغيرا

مجلسنا الموقر وحكومته لايزال يدور فى نفس الدائره من شهرين او اكثر فاتو

وتدخل المجلس والمستشار واضح فى اداء الحكومه ومش كلام او اراء منا نحن بل جاء تأكيد بالصوت والصور مرتين على لسان الكيب

والمرة الاخرى على لسان وزير الخارجيه السيد عاشور بن خيال لوح بأستقالته نتيجه ضغوط المجلس على الحكومه

ويطلعلنا المستشار من يومين على التلفزيون ويقول انا من شهرين اى من قيام الحكومه الانتقاليه لم اتدخل فى قرارتها

يعنى هو استعباط اوضحك على الذقون كيف يصرح ويقول كلام زى هك ومن قبلا اثنين يشكو من تدخلاتا فى قرارات الحكومه

الى صاير الان ان المجلس الانتقالى المؤقت هو لى حاكم البلاد فى ظل جمود واضح لدور الحكومه

والمفروض هو مجلس مؤقت مش دائم

وجميع الكلام لى قلتا موجود على صفحات اليوتيوب وصفحات المنار الاخباريه وبالبونت العريض

شمـــــــــــــــوخ

صح شموخ كلامك كله صح...................
لكن الكرسي له سلطان وهو يعمي البصيره
وفالآخر انقول له ربنا ابعينه وايوفقه ..شن ودنا نحن ...

مشكــــورة اختي على التغطيـــة ...

ربي يحفظ ليبيا.يارب

اسماعيل و شموخ ...الطائر يغني وإرد عليه جناحه ينطبق علي اثنانكم يا اخوتي اسمه المجلس الانتقالي المؤقت يعني لا زال معه 120يوم فقط وذلك يستلم زمام الامور المؤتمر الوطني ودور المجلس الذي قاد البلاد في احلك الامور واسواؤها ومهمته تسيير امور البلاد من حيث قوت يوم المواطن لا توجد لديه سلطه كافيه وانتم تعرفون جيدا من يمتشق السلاح الفتره الحاليه في ليبيا في عمومهم ثوار ما بعد التحرير ومن حين للآخر نسمع تسريحات خطيره من احدهم علي الرغم ليس هذا حق لهم ولكن السلاح في ايدي حمقي المتواجدين علي الساحه حاليأ منهم الخوف علي البلاد .
الا تري ماذا حدث مع البطل الشهيد عبد الفتاح الذي غدر به من الذين يدعون الثوريه وهم لديهم اجندات اخري .
المجلس ليس سلطه دائمه ويسير الامور بصعوبه اشباه الثوار والمتسلقين والطابور الخامس وجد المستنقع المناسب ليبثو احقادهم وسمومهم ووجدو من يتعاطف معهم وهم في اساسهم تخرجو من حكم استخباراتي قادرين علي زعزعه البلاد رأسأ علي عقب ومن هنا نجد من ينتقد المجلس والحكومه من غيرما يدري وكما يقول المستشار الصبر اهم شي وسنصل الي بر الامان
اهم شي ندع الحكومه تعمل تعمل
ويا شموخ السيوله لدي التجار الا تعلمي لماذا صدام اعدم التجار لآنهم قامو بمثل هذه العمله ولم يوردو السيوله الي المصارف في وقت حرج مثل هذه الحاله
عملنا زي النعامه وبني وليد كلها ازلام الاما رحم ربي ونحن نعتصم ونطالب في الانتقالي والحكومه ونسينا انهم مؤقت لازالت البلاد لم تقم حتي نعتصم وننتقد اما الشهداء نحسبهم عند الله كذالك والجرحي والمفقودين لاخوف عليهم والخوف من يستغل وضعهم .. ولا باس من وجود الرأي والرأي الاخر

استاذى التمساح انا قلت كذا نقطه فالتقصير وليست فقط السيوله

على كلا احترم رأيك ووجهة نظرك ولكل منا رأى مقتنع به

فألاختلاف فالرأى لايفسد فالود قضيــــــــــــــه

شكلك ماتريد حد ينقده وللا يحكي عليه ياتمساح.....
الغلطان ينقال له غلطان ....ومافيه شي النقد.....
.........................................................
وبعدين ولله ماعرفت روحي نا الطير وللا الجناح.......
ومشكور ياسيدي وبارك فيك علي ردك علي......
وجهة نظري الشخصيه انقولها ومن غير اي تجريح ولا مساس بشخصيه..
.................................................
مصطفى عبدالجليل ياسيد من ضمن الناس اللي اغتالوا اللواء عبدالفتاح
الآن في طاقم حراسته وهم مرافقيه المقربين وهم اللي حاط فيهم الثقه وامأمنهم علي روحه..
ايش رايك انت صح وللا غلط التصرف والاختيار هضا...وغيرها وغيرها وغيرها.....
وياما تريدوا تسمعوا من هتايك وفضايح للمجلس واعضائه جميعآ
.....................................................
مافي حد طيب...الطيب رسول الله بس {ص}

نرجع ونقول الاختلاف فالراى لايفسد فى الود قضيه

ولله نحن انقولوا والناس اتقول اللي تعجبك وفي حدود الادب اتقولها...
لكن الله والعليم ماتغير شي أو رد اطنين هو اطنين لولي....

ماشي ياساده يا كرام علي راي عادل امام ( كلكم عليه ) وما يخص هذا الموضوع الايام بيننا .
والباين فهمت المثل غلط وانا كان في اعتقادي انك نبيه ويا خيي الغالي انا لا ادافع علي احد انا همي وتفكيري هي ليبيا وثورتها خوفأ من الالتفاف عليها واستدراج الطيبين من هلنا في طامه لا عوده منها ليبيا دفعت الكثير من شبابها وانتهكات حرمات وشرف العفيفات من بنات الوطن التي مصدر فخرنا وهدر اموالها بغير حق وتسليط افارقه لا اصول لها وعملو ما عملو .
ويا شموخنا ما ذكرتيه من نقاط تخص الحكومه وليس الانتقالي يا صديقتي يا صاحبه القلم الرشيق وانا نحكي علي الانتقالي لكونه هوا رأس الهرم الذي حافظ علي سير عمل البلاد في وقت حرج للغايه .
وما يخص البطل المغدور به الشهيد رمز الثوره وشيخ شهدائها الفريق عبد الفتاح بالفعل القضيه تأخرت وغير مفهومه الي الان ولكن يا سيدي نزاهه المستشار من دم شهيدنا لا غبار عليها ولا تنسي انه فيه اعبيدات علي راس الجريمه و بشواهد وانت عارف فدعك من اتهام الرجل لكون هناك حقائق عند العبيدات خطيره جدا في الموضوع هذا وهي للآسف الدائره تبتدي من داخل العبيدات والاجنده طبعأ تطرف ديني ( زندقه ) .
وطبعأ مندسين في زحمه الثوار ومدججين بالسلاح ولا تنسي يا غالي ليبيا لا تختزل في شخص ولا تنسي ان قبيله العيبدات دائمأ علي رأس الهرم في تقديم الابطال من اجل الوطن .
والخلاف لا يفسد للود قضيه وتفعيل المنتدي هام جدأ ( راك تحرصني في سوق الاربعاء وتفجخني ) هههههههه ....
شكرا اسماعيل وشكرا شموخ .....وجزيل الشكر لزهره علي تفعيل المنتدي

عاااااااااااااااادي ياخي والنقد مطلوب
وكل وااااااااااااحد عنده وجهة نظر ..ورضا الناس غايه لاتدرك..
ولما انتلاقوا توا نحكي وراك تبقى زعلان ياتمســـــــــــــــاحنا

ربي يحفظ بلادنا

لا يا غالي لازعل و لاحاجه ابدأ وكلآ له رأي ومن المهم إثراء المنتدي بالنقاش وكلآ له خصوصيه في الفكر حتي اجنده تخصه ولكن الاختلاف لا يفسد للود قضيه والهدف هوا الوطن الغالي ولكن ساعد سيدك عبد السلام بحبيل ولو بالكلمه الطيبه .
زهره كلامك عين الصواب وحقيقه لا يمكن السكوت عليها لآجل الوطن وموصوله بالشكر بمشاركاتك الهادفه والتي تفتح النقاش لآثراء المنتدي .
والسلالالالالالالالالالالالالالالالالالالالالام

ولا يهمك استــــــــــــــــــــاذى التمساح من اول مره رديت برأيك قتلك ردك على راسى وكل واحد عندا راى ولولا اختلافاتنا لما اتفقنا

والله بجد انا شن ننوى ليبيا الا الخير رانا طلبه ومازلنا فى اول عمرنا وشن ودنا غير نشوفو بلادنا راسيه على بر الامان

نسأل الله الامن والامان لليبيا هذا مانتمناه

تحياتى مره اخرى استاذى