رد على قصيدة هما هما الشاعر عبدالمولى زيدان

من طرف **زهرة اللوتس** 2012-01-31, 3:39 pm

رد على قصيدة هما هما الشاعر عبدالمولى زيدان من مدينة زليتن
يقول نعيم الزوى
هماهما
نفس الوجوه اللى تجيب الغمّه
كيف امس كيف اليوم
هما هما
رد الشاعر عبدالمولى زيدان
كيف فضيله !!!
منها بـــري الفضــل راه رزيله
كانــــت اتصفقله وكانت ديله
الطّاغي امربيهم اقلال الدمّه
عابي عليهم وين صار رحيله
يقلوا هنانا ويصعــــدوا للقمه
بيناتنــا زارع انفـــوس عليله
وصاهم علينا ينشروا في سمه
ما تقول عليه الوطن ماتوا عويله
وماتوا تريس يكسروا في الصمه
بلاها الكــــرامه مايباوتوا ليله
.نالوا الشهادة شادين ابهمّه
هذه الحكمة جـــت ف تنزيله
متولاي بشــــرهم اخيار الامه
وصادق صلاح اعبيد ف تفصيله
ثورة بعـــــد ثورة اتزيح الغمه
نفس الشيْ
بلاواسطة ما ينفعكش الــــدّيْ
كي قبل كيف اليوم يا خـــــوتيْ
علينا الدّيابة صابحــــه ملتمّـــه
وينه المخلــــص للبلاد وفـــــيْ
تحت الوطــا فادي الوطن بدمّه
مش كيف من تسلق عالحبال يجيْ
يريد منصبه ومنصب يكون ال عمّه
وخير شاعـــــرنا نعيم الــــزوىْ
وين ما تكلم سكــــــروله فمّه
نفس الكذب
يديروا الحرام يحملوا عالنذب
بندرلهم شيطان جذبوا جذب
تلاقوا على الحوزات داروا لمّه
هماهما ..نفس الوجوه اللى تجيب الغمّه ... كيف امس كيف اليوم