نا خاطــري مشغـــول من حبـــانه

من طرف **زهرة اللوتس** 2012-02-19, 8:30 pm

انريـد نسألك بالله ياجبانة ... نا خاطــري مشغـــول من حبـــانه
هــــــــد اهــــدودك ... ويا مثقل علي الحبان حيط الحودك
اوجوه طيبه واكل لحمهم دودك ... ما تــقول كانــوا عايشـــين معـــانا
يــا مقســـاك ... وكـــاره طريـــق اتجــيبني يـــالاك
الخيه مع الولدين تحت ثراك ... وكمــين صــاحب فاقــد اليوم حنانه
رد الجبانه :
تلافى روحك ....... ياللي على الحبان كاثر نوحك
ذكر النبي والله من مربوحك ... راك بالبكا واجد قطعت الوانا
والصبر ما كيفا دواء لجروحك ... وناس ياما كيفك اللي بحزانه
ما اتكثر علي اقطاف ... صيورك اتجي محمول ع الاكتاف
الروح فاقد ومسجي عليك الحاف ... ترقد امجاورنا دفين احذانا
لاعند يوم الحشر يا لطاف ... تقول القيامة كلنا تسفانا
في النهاية موت ... كيف انت كي لصحاب كيف الخوت
اطلب التوبة قبل المجال ايفوت ... ان كان للجنة اتريد ضمانة
خاف الله ... الموت حق مامنا اليوم نجاه
لا منصب ايفيدك لا المال وجاه ... لا ولد لا بنت لا دفانه
انريد نسألك بالله ياجبانه ... نا خاطري مشغول من حبانه
منقول