مانيش لايمك

السلام عليكم
تقول القصيدة:
مانيش لايمك لاني عليك ملام#انسيتي غلايا في ثلاث ايام
ليش اللوم#الدايم الله ماهناك شي ايدوم
واسود ملفك يانذير الشوم#علي مانصحتك مافاد فيك كلام
ولاك عقل لاك جمال لين انلوم#دعايا يبين فيك قبل العام
لا انلوم عليك#ونا كارهك ماخاطري يبيك
ومافيش داعي نجبدوا ماضيك#انقصوا العلاقة ونسحبوا السلام
وكيف ماخطيتي ربنا يجازيك#تعيشي شقا وشر لانتقام
وصاعب بحركم ماقدرت عليك#وعايش معاكم غير عالاوهام
ومن قبل نا ناسيك#انسيتي غلاي ماملام عليك
وتمنيت من المولي يقصهن كرعيك#لا فرح تمشيله ولاجيران
وهدا اشويا كاني دعيت عليك#المفروض حكم الموت بالاعدام
وعالمشنقة نبقي نكلم فيك #مانرحمك والا انقول حرام
انطيح الكرسي وانزيد انتعنكش فيك#وهذا كله محسوب نص احلام
وبعد موتك بقنابل انزيد نركب فيك#اتولي شظايا انلمك أكوام أكوام
وانزيد بنزينه انصب عليك#دخان جثتك فايح اطناشر عام
يبقي راقي#دخان في السماء لي فوق ماهو عادي
ويمر عالكويت يوصل غادي#ايخلط علي بترول والع خام
وهناك محرقة في المانيا من غادي#لحرقة ليهود من هتلر أيام زمان
ياما حرق عيل وشايت عادي#وياما حرق واجد من النسوان
واللي حرقهم الحرق كله عادي#الا حرقتك تطلع كيماوي سام

واسلمتم

مشكور على هذة المشاركة الجد قيمة وانت دائماً مميز بكل ما تأتى بة من جديد ورائع موفق وفى انتظار القادم منك واكيد القادم اجمل