هاكم ياعيت ارفاد

الشاعر المعروف بوبكر رابح صاحب القصائد الجميلة ومنها ( نا والصقر - حكايته مع البحر ) وغيرها وكذلك صاحب القصائد الفكاهية ( نسرين ومشراف - ومروان - وبونجامه - شايب يرقد في باجامه) وغيرها
اليوم أخترت لكم لون آخر من ألوان هذا الشاعر الكبير
أتمنى أن تنال رضاكم

السيه ان جاتك من الحــبيب الداني ** كاينه ومن الصـاعب انك تخفيها
ساهله أحذاها ســــــــــــيّة البراني ** إنما تركتا تقدراترد علــــــــــيها
والقهرة الكـــــــبيرة كان تمّا أناني ** حـــــــبيبك- وكل جمايلك ناسيها
تبقى اترقع في بياد اتعــــــــــــاني ** متحمل غـــصايص واجده كاميها
تلوم عالزمان اتقول لط احصاني ** اسباب لطتك من ناس واثق فيها
مطمان من جنابهم قلت هم حباني ** محـبه اتوازي المصلحه طرحيها
تهاب المشاكل تنزوي وحـــــداني ** قول خاطرك كل العرب راضيها
تسالم اتقول السلم هوعنــــــــواني ** واللي تجيبها لقسـام راضي بيها
لازم ايجيبنك اطراف معــــــــاني ** سهراية جضر وصاحبك راويها
يجنك تعازي في اكروت تهـــاني ** وعدة الغــــــــــــازأمعقّده تحويها
موضوع جايبه مكيون به شاكاني ** تعمّد جـــــــــــميع كواينه يرويها
سريب ذكرني اعكاس زمـــــاني ** وبخــــــــتي اللي مو طيبه ناويها
قلتله- هابه علي جـــــــــــــرناني ** النفس را اطـراف الهم ما يكفيها
وناظرمواقف هازّات كيــــــــاني ** وما من مواجع خــاطري كاميها
حكيت للبحر قبلك وماحـــــاكاني ** مع حــكايتي عيني ذرف ماقيها
مع الصقرفاتح فالخــــــفا ديواني ** وهو زاد قصــــــة مسكتا راويها
ونا الشعرعندي نبع من وجداني ** لجـروحي دوا- لاناوضت يشفيها
ولا تخــتلف فالنطق لفظ اوزاني ** ولا نقتبس كـــــــــلمه ولا نلويها
رباوة عصر ماهو سليط الساني ** واديارالصغاره مستحيل انجيها
ولكن اللي ما كان في حــسباني ** اتجيني البيعـه من عرب شاريها
ونا كنت غامرهم بفيظ حـــناني ** وعطيته اللي في قدرتي نعطـيها

انهنيك .. نازل شعر من أول يوم

مشكور على هذا الطرح الرائع جداً

قصيدة رائعة مشكورة dead