ياما ابكي

ياما ايبكى فيه .. خطا عزيز وفراقه وخلو ايديه .. وضروف واجده
يـامـا أضـــروف ايـبـكـن ===ومامـن مشاكـل وقتنـا شبـكـن

ومامن قضايـا كـل يـوم ايتكـن ===ومامن علل فـى خاطـري كاميـه

ومامن ادروب انسيـت وامتاركـن===ومامن الـى ناسـي ونـا ناسيـه

ومامـن الـى ديمـا عليـه اتكـن ===مشاغيـل نشـاده علـى طـاريـه

ومامن الى من القل دونـه سكـن ===أبـواب الرجـا قفـلآ ونـا نبيـه

ومامـن الـى وازا بعـد راوكـن ===ايتومج امعـاه الصـوب وايدريـه

ومامن الـى ودك عليـه ايركـن ===معـازى وعزايـه ونـاس اتجيـه

ومامـن اوهـام انجيتهـن يرتكـن===انضام خاطرى من الخلو حيه وحيه
مـامـن أضـــروف أربـنــا===ومامـن مشاكـل خاطـرى كدنـه

ومامن قضايـا ويـن نـام ايجن ===ويسمر والنوم ايغيب عـن ماقيـه

شي من غلا غالـى اقسـام زونا ===وطن نصيبـه بـو خجـل شافيـه

نضيـف المجالـى بوغتيـت اتنـا ===بوسـط دوبـه محزمـه طـاويـه

وملاى اليديـن مخضبـات بحنـا === ومولاى الهوالع سود مـن باريـه

وشي قل ميجـوده وغصبـاً عنـا === وشي بخت عاكس للخـلا زاويـه

ومامـن الـى غايـب تبعـد عنـا === وفـى مامضـا مشكـاه ومداريـه

ومامن الى لاجـاه جـت المحنـا === ومامن الـى قطعـى الله يخزيـه

ومامن الى مشهـور عنـده رنـا=== الى ماحضـر جيلـه ايخبـر بيـه

ومامـن الـى ماكيفهـن جابـنـا -=== ومـا يعرفـه واحـد ألا والديـه

ومامن مطـارى ويـن مـا هفنـا === ما ايريد حـد يطـرى ولا يطريـه
مـامـن اضــروف وعـــازه === ومامـن مشاكـل مالهـن حـزازه

ومامن خبر لاو بـرج لاو تقـازه === لاو ضرب كف ولاو كـلام فقيـه

ألا عزيز ما وفا امعـاى انجـازه===امعكر شـراب العيـن ومدرديـه

مسـدا الغـلا مـا كملـه نشـازه ===وسلو عمود الـراس مـن عاليـه

حتى والزمـان امجربيـن ادرازه === مامـن الـى قـلـواه ومكـديـه

مامـن ابحـارى تاركـه مركـازه ===ايام قبل ماكانـت اطيـور اتجيـه

ومامن فريقاً مـن الزمـان تـوازه === وكم قرم قابي فـى حمـاة سفيـه

وكم قصر سبحانه علـى هنـدازه === بقـي اليـوم عليـا علـى واطيـه

ومامـن ربيـع ايعجبـك قرقـازه === لكـن وراه الصـيـف مدقفـيـه

وزيده اخرى بوخد كـى القـزازه=== انخلـط علـي اغـداي ويوازيـه

لكـــــــــــم كل الشكــــــــــــــــر ع المرور الرائع

مشكور وبارك الله فيك