على طول الليل اوماطال

من طرف اسماعيل ادريس 2012-06-14, 4:08 pm

على طول الليل اوماطال ابكا منهال عزا فى مول الدور اطوال
على طول الليل انحوحز ومتنر فز انغفى من المرقد ونفز
ونبقا سهران امقمعز امعا انشغال افكارى فى قيل اوما قال
ونيتى فى الميكول اتكز امعا انحلال كلامى مر وشين الفال
اسبابى من بودور اجوز بلا جدال تكاسا عرم على لنعال
الغالى مول العين غمز بلاكحال طبيعى سبحان العدال
غلا يا عون اللى حايز امغير اهبال ابكاى علية وهو ما سال

على طول الليل الممدود انفكر فى بودور لشون
الغالى بوسالف منضود اللى من موحة راكب جن
اللى خلانى نا على العود انسكب ودموعى يذرن
اعيون الهامل بين اغرود اللى بلعيب علينا من
نشت وما عنك مجحود القنة حالى مايطمن
تعابة من بودور ارجود اخطورة فى العقل ايشرعن
نعم هو حالى اللى مقصود نشت اسمحلى نا بلفن
عليك انرد ابكل ابنود قصايد توا لاضمهن
امغير العين رياها سود ان ريت بنات انتبعهن
غضيبة ديمة فى اتقود انتبع فيها مدوشن
انقول يمكن نلقا لة ابرود كنينى وقليبى انحرقن
ابنارة بوسالف مبجود اللى وكال لكبدى واشن دار اعيال
على طول الليل او ما طال ابكا منهال عزا فى مول الدور اطوال
~~~~~~~~~~~~~~~~~~~~~~~~~~~~~~~~~
على طول الليل اوماطال 494103