اهناك سماحه ** امغير العيون لكل شي شباحه *

اهناك سماحه ** امغير العيون لكل شي شباحه ** بعد هذي ما ضني

بعد هذي ماسع ريتا لا تاقت ** ولا كيفا سمحا انظاري لاقت
ومعا اعيونها مامن اعباد ازاقت ** ومامنلي عاود وهو بجراحه
وردن اطرافه برمن ارياح وساقت ** هفاته قصيد انوسنا وبياحه
... وبنار العدوك فيها شي ما نداقت ** لهفت خاطري منا خذت صرماحه
----------------------------------------------------------------------
بعد هذي ماضني ضنا شي ضاني ** لا في عربنا لا طرف براني
وعطاها الله صيفة جمال اصلاني ** يعوين من ايريد ايديرها مرواحه
لوكان يصدقن فيها ارياح زماني ** ويفتح الله للعقل باب ارباحه
نين ننتهض بالك انلم اركاني ** وننزل الها نزلت اديار ركاحه
----------------------------------------------------------------------
بعد هذي ما ضني ضنو شي ناس ** ضني اوفي قولي اوفي مقياسي
وتشهد العين وخاطري واحساسي ** بالي سايرا فينا كلام صراحه
اني اغويت ومثقب حماسي ** ونا انريد دنواها وهي تزاحه
جريت جري واجد نين ذاب امداسي ** صياد غير ما صادن الصيد ارماحه
----------------------------------------------------------------------
بعد هذي ما عندي عليش انخرف ** تستاهل القوال وانها علم يشرف
ومن شورها قادع الا نظرف ** عالن طواري راكبه وحواحه
لوكان يا جماعه عملتي تصرف ** ويلبس الخاطر دقرتا ووشاحه
سعتا امنانا ما طول اطرف ** وساع الشراب ايرد في مركاحه
-----------------------------------------------------------------------
بعد هذي ما ضني اهناك شطاره ** امغير العيون لكل شي نظاره
ولا قبلها والي شكيت ابناره ** اعيون من ايربي حوستا بجناحه
سبحان ربنا صور الكون وداره ** وقال لكل شي ايكون في مطراحه
علام غيبها عالم جميع اسراره ** وقد ما يسوقن فالسحاب ارياحه
العاطي بلا منا لمن يختاره ** وكل باب ديرلا الله مفتاحه
عطا بنت عمي كيل فوق عباره ** عقيقة جمال اموفيا سباحه
ولا تقابلك حاجه اتقول اخساره ** وطلوع القمر مو كيف وان اطياحه
وعليك عقل متكامل بكل افكاره ** حجايج ايجنك من قطير اجباحه
وتفهم القوال وتعرف القضاره ** وتعرف تفاسير العلل وامياحه
وتفهم الناس وكل حد بقداره ** ومعا كل ما تلبس اتزيد ملاحه
صباحا نقيا ما فيه شي غثاره ** حليب ما الغثر صافي وبيض اقداحه
~~~~~~~~~~~~~~~~~~~~~~~~~~~~~~~~~~

تسلم اخى اسماعيل

شكـــــــــــــــــــ ــــــــــــــــرآ وبــــــــارك الله فيــــــك

جميل................

شكـــــــــــ ـــــــــــــــرآ وبـــــــــــــــــــارك الله فيـــــــــــــــــــــك