أسئلة ترفع الضغط ... اللي يبي يسأل يسأل !!

أسئله ترفع الضغط .... واللي يبس يسأل يسأل .

مثلا :-

أنت فى دارك متكى فى فراشك ومطفي الضى فجأه يخش عليك
خوك ولا أختك ويفتح الباب ويقولك تبي ترقد ؟!!

( لا نبي نرقص - اكيد نبي نرقد) .

---------
انت لابس وقاعد تمشي فى الحوش متجه للباب .. فجأه يشوفك واحد من خوتك
ويعيطلك لك ويقول بصوت عالي :- (هااا طالع ) !!

(لا نجرب الباب كويس ولا لا الصراحه سؤال خطير !!).


----------

انت قاعد فى دارك وماسك الكتاب قاعد تقرأ .. يخش عليك واحد من اهلك يقولك
هاا قاعد تقرأ!!

(يعني ماسك الكتاب شنو اندير اكيد نقرأ).


-----------
انت توا صدفه شفت واحد من من اهلك او خوتك .. في تراكين البيت قالك هاا شنو ادير هنا !!

)نبيع فى دخان ماهو حوشى كيف ماهو حوشك) !! لا تعليق .


--------------------
كله كوم وقنواتنا الفضائية كوم

تعالوا شوفوا قنواتنا الشبابية والليبية أهم وأسئلتهم !!

مثلا فى العيد يمسكوا واحد من الناس بالسيف شوفوا الحوار :-

المذيع :- مرحبا عرفنا على أسمك ؟

المواطن :- فلان الفلاني . . . . .

المذيع :- شنو تقول لأهلك بالعيد ؟ ! ! !

المواطن :- أقولهم كل عام وأنتم بخير . .


( يعني شنوا انقوللهم .... بع ) .

يعني السؤال تحفه والمذيع ومعد البرنامج اتحف على هالسؤال
------------------------
والأسخف من هالبديهيات اللي تضيع وقتنا إذا قابلوا الأطفال , , ,

يقول المذيع للطفل :- أنت تحب ماما وبابا ! ! !


(( لا نحبك انت والسرافه اللى كيفك )) سؤال غبي الصراحه !! ياشينك حالة


----------------
برنامج مسابقات على الهواء

المتصل :- الووه السلام عليكم
المذيع :- وعليكم السلام اهلا وسهلا
المتصل:- ممكن اشارك
)يعني انت متصل اكيد تبي تشارك مش تسأل عليش السؤال الغبي!! يعنى من كترة الأتكيت يعني) .
--------------------

يعني اسئله غبيه مثل هالاسئله ماشفتش

يالله في أمان الله والله يحفظك من الأغبياء!



لحظة نسيت أسألك: قاعد تقرا الموضوع توا؟؟




ج: لا قاعد نقى فى حواجبى!! ههههههههههههههههههههههه ...


كل عام وانتم بخير وياريت اللي عنده سؤال غبي يحطه هنا راهو عندي هبوط واريد نرفع ضغطي ....

واحد جايب اولده للمستشفى العيل منقلب عليه براد شاهى سالخ جلده ...دخل المستشفى القى واحد من الجماعه الى تحكي عليهم ياحبة مسك شوف الاسئله الى كيف وجهه:
الاخ...كنه العيل؟
الاب..منكب عليه شاهى
الاخ..شاهى..حمرا ولا خضرا
الاب..طبعا على نياته..حمرا
الاخ..دور اول ولا ثانى
الاب..الخبر هذا كله قدام المستشفى الاب شايل العيل فى ايده......الدور الثانى
الاخ..بالنعناع ولا بلا نعناع
الاب...بالنعناع
الاخ...غدا ولا ضحى حتى الوقت موش عارفه
الاب ...ياراجل حرام عليك وقت غدا توا..........ايش رايك ياحبة مسك

مشكور على موضوعك يلي عن جد بيرفع الضغط
تحياتي.......

وحد خش علي محل وقال
وجاء عند التن وشل حكه وقاله بيش
صاحب المحل بدينار
الزبون الوحده ....
صاحب المحل متعصب قاله لا الكرطوني ::::: الله المستعن

هههههههههههههههههههههه يا بوفرقة الله يجعل أيام سعيدة
هؤلاء اللي يرفعوا الضغط صح ... يا ارفعه رفعة متسقمة يا تريح
أحسنت يا بورقة , كل عام وانت بخير

ملاك الشرق :
اسعدني مرورك ...

عاشق تشلسي :
ههههههههههههههههه ... مش عادية يا عاشق تشلسي

ههههههههههه
اختيار موفق اخي حبة مسك وواقع ملموس
خذ هذي ..
- انت ترجا في واحد قدام حوشهم جيته بسيارتك علشان متفقين تمشوا لمكان معين
يطلع عليك وايقولك هااااا نمشوا ... امالا عليش نرجا فيك
- مدخن ماسك سبسي بعد الغداء وايدور في ولعة طبعاً سؤالك البايخ ح اتقوله وين ماشي ورده هو الابيخ ح يقولك نبي اندخن .. لا مسافر لمالطا

هههههه فعلا ترفع الضغط

بصراحة روعةهههههههههههههههههههه تحصل عن الكل

الكابتن / عبدالحفيظ / الإمبراطور
اشكركم جميعا ...

بارك الله فيك على هذة المشاركة