كي فاطمة فالصوب بختي كنـــه .... كي مصطفى ريدي قليل محنــــ

من طرف **زهرة اللوتس** 2012-06-23, 12:03 am

كي فاطمة فالصوب بختي كنـــه .... كي مصطفى ريدي قليل محنــــه
كي دوتهــــا .... أوكي حالتي فالصوب كي حالتهــــا
خونت أوبيعت مصطفى قهرتهــــا .... في قلبها كان لاه شنه أورنــــــه
لاكن أرتاحت والحياة نصفتهـــا .... كريم لقيت فيه ما أتمنـــــه
كي مرام ..... فرحي تلاشه أوعاكسن ليام
أنهدن أفلحظة كلهن لحلام .... بعد كنت عابي فالحياة أنتهنـــــه
كذبة كبيرة أسمها الغرام .... باللاه من فالعشق ساير منــــــه
نا كي لمعــــي ..... من طيبتي كل يوم نازل دمعـــــي
جبار ريدي دوم يبي قمعـــــي .... درت الغلا نحساب نبقا أفجنــــــه
بالعكس تما دوم طافي شمعــــي .... أوكل يوم تمت حالتي تدنـــــه
كي مراد ..... ما القيت صوب أوحن لا وداد
أكرهت الجفا مليت ماللبعاد .... أكرهت الحياة في موتي أنتمنـــــه
درت الغلا حبيت همي زاد .... عالجرح قلبي وتر نبضة غنـــــه
كي كريـــــم ..... جرحي أوهمي فالغرام قديـــــم
عدت حياتي كلها تخميـــــم .... أوجاعي بقت فالصوب فرض أوسنـــــه
أمتا أنروق أونوصله النعيـــــم .... أولفراح من شور الحبيب أيجنــــــه
كي مصطفى تميـــــت ..... قهر أوخيانه فالغلا حقيـــــت
ليام هك أوهك منهن ريـــــت .... كل الزها فيهن زعل ردنــــــه
حبيت أوياريت ما حبيــــت .... قلبي مواويل الغلا شقنــــــه
كيف أميســــر .... تميت شاقي فالغلا متكســـــر
عاكس أمعاي الوقت واجد عســـــر .... حبيت سيف الغدر ليا سنـــــه
يا الله بعد العسر حالي يســــر .... أوننسا اللي لنظار ما نسينـــــه
كي نذيـــر ..... عايش أهموم أوحزن مالاخيــــر
مجروح ماعندي وليف أوطيــــر .... موجوع حتا القلب فاقد حنــــه
كل يوم نفس اليوم حال مريــــر .... بلاهم بقن ليام هنـــه هنـــــه
نا كي شمســــي ..... اليوم كي بكرة شبيه الأمســـــي
أنعاني خيانة أوهم زايد طمســــي .... مني زعم العيب والا منــــه
يقوة سطير الجرح لما نمســــي .... والياس فالليل أيتقاوة زنــــــه
نا كي فهمـــــي ..... مليوع فالغيات نازل سهمــــي
عشقي المن حبيت كاين وهمـــــي .... قلبي كتايب ياسهم هزمنـــــه
الي يتبع في مسلسل فاطمة توا يفهمها

من طرف شموخ انثى 2012-06-23, 12:21 am

ههههههههههههههههههههه لوتس كان النهايه مع واحد كيف كريم مش مشكله نتحملووووووووووو

كي فاطمة فالصوب بختي كنـــه .... كي مصطفى ريدي قليل محنــــ

كي فاطمة فالصوب بختي كنـــه .... كي مصطفى ريدي قليل محنــــ

رد: كي فاطمة فالصوب بختي كنـــه .... كي مصطفى ريدي قليل محنــــ