عزيزه كانت غلاها عكس عكس الزمان او هانت اللي قبل ع الخاطر

من طرف **العاشق الصغير** 2012-07-08, 12:28 am

الشاعر عمران القزون
عزيزه كانت غلاها عكس عكس الزمان او هانت اللي قبل ع الخاطر

للعين كانت منيه
او خاطي غلاها مي بشي معتنيه

عليه عاندت واجد اهموم الدنيا
أو لكن مع طول المعارك لانت

وبها وين لقيتا فنا منفنيه
تعزت أو هنت بالها وطمانت

عزيزه كانت غلاها عكس عكي الزمان او هانت اللي قبل ع الخاطر

عكس غياته
عكاس وقت ومشارك عدم راياتا

أو منه أو م العازه أو جور اوقاته
علي خاطري مامن أحمول تقانت

والعين من طرف غالي جرن ياساته
سود حياتا فاهق عليه توانت

زهاها معا غالي غني لاطاته
ايجيها منام بقي اليوم ان زانت

عزيزه كانت غلاها عكس عكس الزمان أو هانت اللي قبل ع الخاطر

الها ما دامت
دارن افلاك ايامها ونضامت

الشقوه امعا اللي في سريبه هامت
أو مطيرة الشوق او هي صمار انعانت

دبغ حرثا مازق الياس أو صامت
تناصف ابرير أو ما وطاتا بانت

عزيله كانت غلاها عكس عكس الزمان أو هانت للي قبل ع الخاطر

اللي غيتا
حدود المنا للعين في دنيتا

وتحس الحيا تضحط معا ضحكتا
وتعّيد الناي أو الفراح تهانت

وشيلن عطور الورد في بسمتا
لرياح والطيور ع للغصان تغانت

وتكدر جميع الناس تكديرتا
أو تجدب سنيهم والموالح شانت

أو تصور الدنيا غايبه بهجتا
ونساها علي طيران جوف ادانت

والوف م الضحايا قايمه عزيتا
أو في حرب كونيه الناس تفانت

او صوره لها في ذهنها ارسمتا
بروازها ذهب والحلي بيه ازدانت

برم وقتا هانت بعد غلوتا
ما تقول ف الماضي غلاها صانت

اليوم الغلا نصيت بلا رادتا
ع العين هونا ضيم لكواين عانت

والصوره اللي في ذهنها انقشتا
كساها سواد الياس ما عد بانت

عزيزه كانت غلاها عكس عكس الزمان اوهانت اللي قبل ع للخاطر
م ن ق و ل