مر الوداع وقاسي

من طرف **العاشق الصغير** 2012-07-17, 8:06 pm

خاطري بالعليل
ارياف ع المخدة وفالدموع يسيل
ويقول في رحيل اعزاز نامتويل

ازعما وين ساقنة ارياح زمانه
ووينهن امباتاته ووين مگانه
وما هناگ لا ساعه وما يتخيل
لعب العويلة ف التراب احذانا

ما نقولگ مر الوداع وقاسي
خلاني انموج ف السداس اخماسي

بنقول لگ گدرنا
على بعدگم مافيه شي صبرنا
ووينما بگى احذي زاد دردرنا
أمغير درت روحي مو رقيق إحساسي

طامي عليگم لو تشوف بحرنا
على ساحله ماعد هناگ گراسي

مر الوداع وصاعب
منه امعاني ياحبيب متاعب
وتمن دموعي ع الخدود زواعب
ميحة بداري صابحه واتماسي
علي گل خالي سيلها جا لاعب
نين ف المواطي بالصعيد يواسي

مر الوداع يمرر
معاي محوره شايط زين امحرر
ودموعي علي بعد الودايد دردر
ولاخف ساعة ع الغوالي ناهي
حتى وبعدهم ع العين شي امبرر
عليهم اتنوع صدعتلي راسي

مر الوداع وواعر

يبهدل اللي عنده اغرام مشاعر
ما من اللي قبلگ گنينه صاعر
منه يگابي لا طفح لو راسي
بمراره حگى من قبل مامن شاعر
عقله گبير وللعلل سطراسي

مر الوداع إن تاسل

نين الطعام تحس ملحه باسل
ولابن يحيدن هالمرار مراسل
الا امغير تمن ضايقات حباسي
ونوع العويل اللي ابقي مستاصل
حتى ف المنام انجيبهم هتراسي

مر الوداع حقيقة

معاه بوعزوم اشداد ييبس ريقه
ويسمر ويقرن عبرته بشهيقه
يطير منام اللي احذاه نعاسي
وحتى الموح الشين واتفوهيقه
خلاني يجي ديما بگم وسواسي

مر الوداع يوجع

ووينما تهايا فالعقول ايفجع
وما القيت ولاحاجة احذاي تشجع
معاها نقول انروق نبقى ناسي
ينوضن انظاري گي جمهور يشجع
ونومهن ايطير وتجي ع راسي

مر الوداع وظالم

امقسي علينا نين ضاق العالم
وديما افگاري جايبات معالم
هضاگ المگان امحرمات انعاسي
خوذ عهد مني واحفظه يا ظالم
بشوقگ يرنن گل يوم أجراسي

م ن ق و ل