ياغاليتي.يلقانك اخطيتي وبالخطا كافيتي

من طرف **العاشق الصغير** 2012-07-17, 9:06 pm

هذه القصيدة : لشاعر يونس علي المقرحى

وهو من سكان (براك:الشاطى)

ويقول:

ياغاليتي.......................................... يلقانك اخطيتي وبالخطا كافيتي

نقضتي بنود العهد ماوفيتي............... واني مانخون العهد لو نتوارى

خذنك مسارب سود وادربيتي..............معا وهج مصلول قوي محداره

امنينك صغيرة وبغلاي وعيتي............ امنين كل واحد جايبه تياره

وامنين صافية نيتك وصافي نيتي........امنينك ربيع منورات ازهاره

واليوم هاو صفحات القديم طويتي...... وانسيتي الغلا اللي كان ياسع داره

واليوم هاو من بعد الشراب رويتي........ومن بعد طاب رشاي عالماكارة

بايدك مسكتي خنجرك جقيتي............. قاطع ايهتك حازات جفارة

وهذا اكل ومازال ماستكفيتي............... جبتي ودرتيه الغلا تجارة

امنين ماتعلى السوم ليش شريتي...... وجت بيعتك بيعة عوج وخسارة

ومادام بالعنية انتي بديتي................... لازم عليا نوضح العبارة

حتى ان غليتي والاولاف ضنيتي.......... وحتى ان خداك العمر في مشواره

وحتى ان عطبتي نقولك داويتي.......... وحتى وحتى ياكحيل انظاره

وحتى ان متي من الحياة انتهيتي........ مازال عندي حايزة الصدارة

تقول امس نشبح فيك كي طليتي........ بوصفن يكيد فحولة الشعارة

هداك الشعر الاسود منين سفيتي....... اركيب علي منهل حشى باعشاره

وللا عيون بهذبهن واطيتي.................... قوي تصويبهن كما الغدارة

ويبان عرنينك ليا صفيتي.......................شعاع شمس تجهر في نهار نهاره

وخلي المضحك وين مالجيتي............. يبان ابيض من العاج والجمارة

خطرها بوصايف يالعين بكيتي............. فيهن ومازلتي على تذكاره

وياغالية لو كانك حنيتي...................... يالقانها الدنيا خاينة غدارة

وانكان في نهاية هالمطاف انسيتي..... انقول الكلام اللي نويت جهاره

انعده غلاك سماك لو حطيتي............ النقطة وجيبو الحل يافساره

انعده غلاك توارى.... زرعته ولاعادش جنيت اثماره.... عليا بعدتي
م ن ق و ل