لانوم لا تغفايا ليلي اسمور والنهار تهايا هذي معيشتي

من طرف **العاشق الصغير** 2012-07-19, 1:38 pm

لانوم لا تغفايا

ليلي اسمور والنهار تهايا هذي معيشتي
في الليل اسمور-
علي لوعتك يام الميامي الحور
يضايق العلم وخاطري مكسور
ويبقن ادموعي يذرفن بكايا
علي يوم مارينا فيه لمحة نور
مغير ظلام ليل واوهام سود ملايا
خليتي العقل كي المدار ايدور
تايه بلاك يام الخدود ضوايا

علي ماجلت بين بحر وبرور
مايفارق خيالي غلاك معايا
واليو ندعي ربنا الغفور
ايهون علي من لوعتك يامنايا
في النهار اتخيل
الي اخدودك ضاويات شعيل
يضايق الخاطر والدموع تسيل
ويخطرن علي ايام كنت معايا

ايام الزها ومعيشت التدليل
وايام الغلا صافي بكل عنايه
ايام كنا نرقدو في الليل
وناخذو النهار فروح يامشكايا
الا اليوم انعاني بكل عليل
وديما علي دمعتي سخايه
يام الهدوب تذبلي فتذبيل
منك وفيك انتي سبايب دايا
معيشة اتمل
الواحد تعب ياعين ديري حل
علي ام الميامي مع سفوة خجل

لي عذبت امعيشتي وزهايا
اسموري عليك الليل مالاحل
امفيت عودتك للدار يامشكايا
الانا وحيد اليوم مانحمل
وانتي فعقلي دايره حكايه
يابجاه المصطفي وابجاه ذو الكفل
وابجاه كل حد هاديه ربه هدايا
يحيد كل حد منا الحسد وغل

ويصفن قلوبنا كي الحليب صفايه
خطرها العزيز الي تقول عسل
جفاني ودبر للغلا نهايه
لانوم لا تغفايا

لانوم لا تغفايا للشاعر/ بوبكر علي العرفي
م ن ق و ل