وينك ياعيون قلبي

وينك ياعيون قلبي ويا زهوى خاطرى
ياحب عمرى ماعرفت شنى صابنى

زعم صابنى ياسات
ولا تقاوى الهم والوجعات
تساوى عليا النهار والليلات
والشوق داير دوره وهادنى

ياما سمعت عالشوق واللوعه
وعن الحب ساحن القلب فى وسط ضلوعه
لكن معى ماحملت ولوعه
خدانى لشط وعطشان جابنى

سحن الكبيده
وفايض المراره وبديت مريضه
والعين تدرف فى شبوب غليطه
لين انعمت والشوق والعزات كادنى

وليت اندور فى صوره
فى وسط قلبي وخاطرى محفوره
نخش الخاطر ونبحر فى وسط بحوره
لانه سكنى فى الخفاء ماسابنى

كيف يسيبنى
ونا الحبيبه من بعيد يجيبنى
ويرحل معى فى الغرام ويقيمنى
فوق السحاب وهو ضامنى

يضمنى فى قلب دافى
وندس بشوق فى كنينه راسي
وننسا معه كل اهلى وناسي
حبيبي فى مكان كبير حاطنى

حاطنى فى العلوه
فى مكان غالى وعالى قدره
ياناس والله لوله هالكدره
لسكنت جنبه وهذا سادنى

سادنى نشبحله
ويكفى انى حاسس بغرامه وقربه
والعمر مايزها الا فى جنبه
واللى مصبرنى حبيبي حابنى

وينك ياعيون قلبي