قصيدة لا يفهمها الا من ساكن مدينة بنغازى

قصيدة لا يفهمها الا من ساكن مدينة بنغازى


حى المجلس ولا مــات **** ولا راقد فـــى غيبوبه
وين العوامــى شحــات **** او (نجــاة) الزينه المحبوبه
لكناســه دارت جبهـات **** وبنغـــازى تمــت مقلوبه
يكفى عانت فى مافات ****وفى العهد البايد مشطوبه
لا قــــرار ولا رايــــات **** ولا رينا ورقـــــه مكــتـوبه
مافى حاجـــه جديات **** ولاحسبه نقولوا محسوبه
ياريـــت كلامى بالذات **** بعـــد قلته ما فيه صعوبه
ايحلوا جرم التفجيرات **** وقصــة تاورغـــاء المنكوبه
وننسو طارى السيارات *** وموال الرخصـــه المضروبه
ولا فاتورة خــوذ وهات **** ولا والى ايعبى فى جيوبه
وفى ناس ايطلوا مرات *** معاها سلاح ألمن ؟ منسوبه
وفى ناس اخباث النيات *** معــا الثـــــورة وهيا مطلوبه
وفى ناس اسماح الصفات** عليها حطيتــــوا العقــــوبه
خوفى ياخوفى هيهات *** انكـــان بنينا طــوبه طـــوبه



اتمنى من الاستاذ شحات العوامى والاخت نجاة الكيخيا ان لا يسهو عن بنغازى

كيف صار يا عرب؟
اين انا
يعنى انا وين