بعد الاسلاميين ومصراتة والزنتان المستهدف اللجنة الامنية

ما من احد يزايد على مصراتة او الزنتان او المنطقة الشرقية في جهادهم غير هناك ماخذ يعرفها رجل الشارع العادي:

انتهاكات ميليشيات مصراتة لا احد ينكرها القاصي والداني حتى منظمة العفو الدولية اخر تقرير خصت به مصراتة ولم تخص به الزنتان بانه لم تستجب الحكومة وتوقف هذه الانتهاكات سيقدم الملف لمجلس الامن واعليكم بالدخول لموقع المنظمة والتاكد

ثم بالنسبة للزنتان ماعرفه الشارع العام في الليبي وهي اثرت عليهم وعلى سمعتهم هي مشكلة المطار لا اكثير ولا اقل والحمد لله تو المشكلة انحلت

بالنسبة للمنطقة الشرقية ما سمعت حد يذم فيهم بالعكس فيه ناس اسجنت هناك ولم تعذب ولم يتكلم عليهم احد ولم تتحدث عليهم لا منظمة العفو الدولية ولا حقوق الانسان على الرغم ان بها سجون

لكن اذا اردنا ليبيا واحدة --- وهو رمزك ----- علينا الابتعاد عن هذه الاشياء والتركيز عليها والتذكير من حين لاخر لانها قد تثير فتنة بذكرك ان سبب ذلك هي قبيلة كذا او كذا ونسيت ان هناك اشرافا واحرار دفعت اراوحا ثمنا في هذه الثورة في بنغازي وفي البريقة وفي مصراتة من هذه القبائل التي نعتها باشياء معيبة في حقها-

يجب علينا ان نحتوي جميع مكونات هذا المجتمع ولانستثني احد منه- لاننا نحتاج كل الايدي -

الله أكبر الله أكبر ونحب الرد على أرض الله الواشسعة بكلمة واحدة بس لو اللى صار لمصراتة من تاورغا صار لبنغازى شن ردك ..وآسف لو أسأت التعبير

وفى الشرف ماتهمنا لا لجنة حقوق الانسان لا غيرها ..

انا قلت شوفي التقرير متاع المنظمة وبعدين تكلمي على فكرة هضوم كفار بلكي تقولي من قبيلة معينة والا منطقة معينة

واحني نتكلموا على مسلمين ارتكبت ضدهم انتهاكات انسانية نتحشم حتى نقولها في المنتدى لكن اكيد تعرفوا

على فكرة فيه اية في القران تقول - ولاتزر وازرة وزر اخرى - صدق الله تعالي

مصراتة عندها قوائم تلتزم بالقوائم وتستنى لين يفعل القانون تقولي امتى انقولك امتى ميليشيات مصراتة وغيرها من الميليشيات يبطلوا الانتهاكات متاع التعذيب ومتاع الاعتقال العشوائي وينضموا للجيش الوطني ويصبحوا تحت راية وزارة الدفاع

وعلى فكرة الاعتقال على ليبيا كلها على فكرة مش تاورغاء بس وجابت المنظمة فيدوات لناس من ذوي البشرة البيضاء غلبهم طبعا وفي منهم من البشرة السمراء

انشاء هذا الشهر هو نهاية احزان ليبيا

يجب ان لاندخل فى الفتنة اخوتى الكرام ويجب ان يكون النقاش ذو فائدة

الموضوع موش علي اسمك ياليبيا واحده
انت اتريد اتقسمها شكلك اقطع موش اقاليم
اتقوا الله ولنقل خيرآ او نصمت ...
مافيش حاجه متواريه علي حد ..الليبيين اليوم عارفين
كل حاجه وفي كل مكان الزين والشين...

الثوره مستمره وحافضها الله عز وجل وادعو خير لهده البلاد والله انشاء الله غصبن ع ايحب واعلي يكره ليبيا فوق الجميع

نحن اليبيين كتافتنا السكانيه قليله بالنسبه للدول العربيه الاخرى واغلب سكان ليبيا تربطهم روابط عائليه مثلا انا واحد من الناس الي عندي روابط عائليه في اكتر من منطقه ف ليبيا لماذا عندنا شعور بان اي شخص يقول رائيه الشخصي نعتبره عنصري وجهوي وقبلي يا اخونا ليبيا اكبر من دلك ما تخلوش الفتنه اتخش بينا نحن الحمدلله اليبيين اغلب قبائلها من اصول عريقه ف التاريخ وعلى مدى العصور
ومسلمون وليس عندنا اطياف او ديانات اخره ونشكر الله على ذلك نصيحتي لكل ليبي حر لاينساء الشهداء و المفقودين والجرحاء لان هولاء ضحو من احلنا من اجل ليبيا من اجل ان تعيش يا ليبي حر و ولائك لله وحده اكترو من دكر الله والتكبير لكي الله يحمي ليبيا من الفتن ولكم مني جزيل الشكر يا ليبيين يا احرار