مراد البرعصي يقول

زعمة وين غربت جباه...وزحزحة من مكانة
الجود والكرم وين نلقاه...زعمة وين يطرن اوطانة
يامطيبة ومحلاه......أيام جيرتة ولمدانة
يمشن عمارنا بلمهاياه...زعمة بين هنا اوهنة
قول صار هكي وهكاه...أيام عزنا في زهانة
اوعاد الزوننة والمهاياه...امدوردات قلن هنانة
اوعاد الغوننة والمراجاه...مطاولات منهن كدانة
اوعاد الحوننة ولمعازاه...أمدكبلات ماليين يانة
اوعاد القوننة ولمداجاه...مخلياتنا في خلانة
اوعاد السوننة ولمقاضاه...موالفينهن من قرانة
الواحد انعادو اعداه...اوهو مروتة في اعدانة
ايديرها اويتبع هواه...اوهو العهد قاطع امعانة
الا الوشوشة ولمكاماه...ماي بد في خطانة
والصاحب اللي مُعاناه...اوهو بعيد كنة معانة
والمشي والجي عفناه...صابرين ربي عطانة
والصبر ع ظيم ريناه...خيرمن حياة الأهانة
وسلمتو

مراد البرعصى وابنه الصغير:

الشاعر مراد البرعصى جالس فى بيته وبجانبه ابنة الصغير
سمع ابنه يتمتم
فقال لة : فيش اتقول ياولد
قال له: نشعر
قال لة : فيش تقول
قال له: قلت بكا ما طلع غير دموع
قال لة : اللى يبكى شن يريد يطلع غير الدموع
قال الابن : قصدى يبكى من غير صوت


المهم ان شاعرنا الكبير مراد البرعصى اعجبته الفكرة
ونظم عليها ابيات ولكن بطريقتة الخاصه

بعد دقائق نادى الشاعر ابنة وقال لــه : قول

بكا ماطلع غير شهيق .. ابشيطة ريق ... انكلي دمعة دار دفيق
انكان جيت اتطرق تطريق ... اتجى قرطوع .. القطرة قابيته مخدوع
ايتينه بين اوهام فريق ..وخلو انجوع .. الهن لا مرعى لا مرتوع
اتنوح من الوحدة والضيق ...الفين اسبوع .. الها لامجرى لا مقلوع
حسوفه غير الحال رقيق .. ابخلوة بوع ... اداير فوق خلا مقطوع
اهجر مالقيتش شى رفيق ... الا زعزوع ... ودرد ركاب الهيزوع
ارياح اخطفة دار صفيق ..ابرمل ايتوع ... ايذرى ماخلى مزروع
الها تحلف مافيه سبيق .. ولا ملذوع .. اميوحه قطعات افروع
لفالك ملقاة مغاليق ... علل مسموع ... ابقى لو قرعة ولو بالوع
ابقى من ظارب بو زريق .. ولا مقطوع ... انشد ماتلقى فية نشوع
خذنهم ليام اتبزعيق .. ابعاد البوع .. اللى شقيوبه ضاع اضيوع
............
بكا مطلع شئ مظمون .. امفيت اعيون ... ايقجن كيف ابكا قزون
علية اتطرطيشن واشون .. كما ملسوع .. ان هفت طار بها مفجوع
انه فيت ابتقبيع اجفون ... ونصبة نوع ..الها مايلقى بردة روع
امدفر بين هوان وهون .. وكعب اصروع .. ايمينة وايسارة ممنوع
ان قدم قدامه كانون .. وراة الجوع .. ودلف الفسفورى وادروع


_

مشكور مشكور مشكور بوفرقه والله ايطربك ويفك عليك كربك

مشكور الهيلع
وتقبل تحياتي

مشكورين لكن عندى طلب ارجو ان اجدة نبى قصيدة خطم ابضيق عصر ضرورىىىىىىىىىىىىىىىىىى وشكرااااااااااااا

هذى قصيده لرويعى الفاخرى:
خطم مضيق عصر... فاحن عطاره هلب بانجراره يريد ينقطع من تثني خصاره

خطم مضيق عصر.... ما عرفناه يضاون عضاه ويسفي وراه في سالف كساه
ويوهج مع الشمس وهج المراه
جماله بلا قول مو للغباه ولو للمذارى يشيعن انواره ويشيعن اخباره
ويلهلب تقول نار في راس قاره

خطم مضيق عصر.... وسطه اثنى عيونهم كلنه عيون غبطنه وعيون حسدنه
و كل سمح في خطمته غار منه
وعاقلين ما عقل عنهم تعنى خلاهم حيارى يْمينه يْساره عليهم توارى
وهم به مساتيه كيف السكارى

خطم مضيق عصر.... وقت العشية بخطوه بطية وطله بهية جماله سوية
الشايب سحر و الولد والولية
سحاب في عقاب توت ريحه ندية تواقد شرارة صبّى في اكتاره هلل من امطاره
جميع من عليه بان طرطش ابذاره

خطم مضيق عصر.....في لبس غالي نريد من هبالي نفتح له سْوالي مشى ما صغى لي
ولا ع الوطا حاسب حساب والي
و في كل مسكين حاله بحالي خطفن انظاره اشباه الغدارى اسلام و نصارى
اسم الله علي كل من جا صْداره


خطم مْضيق عصر..... مرفوع شوفه ومردوع جوفه جمع بين نوفه وجسرة وخوفه
علي كل ولهان ماشي حسوفة
تلقى غير من ينشدوا عن ظْروفه وهو وين داره وقول يا ازهاره ومبرك نهاره
اللي ها الغزال فيه طالن اقداره

خطم مْضيق عصر.... دار ثْغبورة بفوحة عْطوره وتسفاي دوره وكثرة غروره
ما كيف هكذي ريت في الناس صورة
جْنان مختبل فيه غنن طْيوره وفاحن ازهاره وما لنا دبارة نْـنالوا اثماره
حتى ف السما لو نطيروا طيارة

خطم مضيق عصر.... عيني سحرها من شيلة نظرها خذتا الشرهة لو يسمع خبرها
تلبي اللي يريد من غير كرهة
كنوز لرض في برها وفي بحرها م الغالي اسعاره ووالوافي عياره ينال بجداره
وان راد القمر فيه ما هو خسارة

خطم مضيق عصر.... ناير الباسه عيونه نعاسَى حْدود الكواسة وجا بانسلاسة
علي نبض لقلوب طقة مْداسه
براح الجمال فيه برّح بياسه وبرّح بناره وطولة اقهاره اللي من جظاره
يريد من هضا حن حتي اشارة

خطم مْضيق عصر .....من هو نظيره النفس الضريره عادت به طريره وانذهبت الشيرة
وداخت الناس فيه دوخه كبيرة
من عينه اللي تموت في عين طيره بدرجة مهاره الجوع من احراره تضوق في امراره
جلوا لها رقت طرشقت في حْباره

ان شاء الله اتكون هى القصيده الى ادور فيها....يابيبرس بوجازيه

مشكورين علي الكليمات الرائعه والجميله
تقبلو مروري

امنور يا غالى ولك جزززززززززيييييييييييييللللللللللللللل الشكر بوفرقه

منور ياخوي الهيلع

انورين متصفحي ابو فرقه المرتجع بيبرس توني كروز وابوبكر ولكم مني ارق واجمل التحيات

شكراً لك على هذا الاطراء الاكثر من رائع