قولولهم شكرا علي ما درتو

من طرف ابن الباديه 2012-08-08, 4:56 pm

فى تسليم السلطة من المجلس اليوم 8/8/2012 يقول نعيم الزوى:

قولولهم شكرا على مـادرتوا @@ وقبل الشكيرة فيه يوم احســـاب
وقولولهم حتى انكـان كبرتوا @@ كل حــــــد فيكم للقضاء ينجـــاب
ونبقوا وراكم لو نزلتوا او طرتوا @@ على مال سايب من غباكم ساب
وقولولهم تاريخنــا سطــرتـوا @@ ودرنا عليكــم مالفســاد اكتـــاب
وقولولهم بالحيـل ماقصــرتوا @@ على امن ضايع فى الشوارع ذاب
وقولولهم عــن مالنا ودرتــوا @@ عـــدا هـــدايه او زور للاصحــــاب
وقولولهم لامـــوات ماقـدرتوا @@ على ناس هربت قاعده نحساب
وقولولهم صفو الحياة عكرتوا @@ وين مــا فتحتـوا للكتايـــــب باب
وقولولهم دمعــاتنا درتـرتــوا @@ ويــن ما ارضيتـــوا ليبيا تنهــــاب

الشاعر // نعيم الزوى