“المقريف” يزور المسجد النبوي فى المدينة المنورة

غير اثبت في البلاد وشوف شن فيها مستعجل على زيارة السعودية وتقديم الولاء يا امريكي يا عميل برتبة الشرف لا ينازعك عليها احد - لم ننتخب حزبه ويا دوبك حصل مقدعين وبعدين صادقوا عليه بالتوافق -= يعني بدون موافقة الشعب الليبي - لما شفتوهم في التلفزيون تفكرت = مؤتمر الشعب العام - وكيف يحطوا في الناس والشعب ما يعلمش ويقولوا ديمقراطية ومؤتمرات شعبية - وتوا نفس الشيء - داروا انتخابات وفيه احزاب فازت بكراسي اكثر وحطوا المقريف واعتيقة بالتوافق ما بيناتهم -

توا بالله عليكم يا ليبيين يا من دفعت ثمن هذه الثورة من دماء ابناؤكم وخصوصا المنطقة الشرقية هذا كنا نستنوا فيه - احنا اتفقنا على اساس اي حد عنده جنسية المفروض ما يوصولش للانتخابات وبعدين وين هيئة النزاهة والوطنية - واحد عايش في امريكيا والا في دولة اجنبية 30 عاما وين فاتت من حداه الوطنية والا يحس بليبيا اصلا - ممكن حتى ناسيها - ونبي نسأل عليه معليش احنا بنسامحوه في حال استشهد له ابنا نتحداكم ان كل الموجودين في هذا المؤتمر مستشهد لهم احد القليل فقط فقط - المهم ضحكوا علينا استبدلنا نظام دكتاتوري بنظام دكتاتوري اخر مستبد يعلم الله امتا نتخلصوا منه -

ليبيا معبية مشاكل المفروض كان نيبته صافية وقلبه على الليبيين يبدي يحل المشاكل المتلتلة - حتى مشكلة السجن تقريبا ما يعلمش بيها-