يادار كنتي دار

من طرف **العاشق الصغير** 2012-08-20, 11:58 pm

يادار كنتى دار ** ديارا عللى نازلك والجار ** واليوم خاليه

وين أعربك اوينهن أنجوعك والشوى واحطبك

اوينهن إبيــــــــارك والعلي وأرقبك ***** اللي أبهن شهيرا لك كيان أوكــار

الخــــــــاطر مشالك دارفيك أسربك ***** من شأن خاطرا جايل ألقيك دمار

ألقيك في كدا دارالزمـــــــــان أنكبك ***** اوشيبت وطأ مـــابان فيك أخضار

عجاجك ايثوبك شاينــــــــات ادربك ***** امسوتهات مافيهن اولا تذكــــــــار

غايب زهــــــــاك اونورتك وطربك ***** حلال فيك قوالا إدير نهــــــــــــار

وادير يوم يداون امعـــــــــاه اسهبك ***** عزاء فيك فى خلوك اوقل عمــــار

وتقول م الوجود الوقت ليش احجبك ***** وانتى هلك جيابت ثنا وافخــــــــار

وانتى كيف تمن مجدبــــــات أشعبك ***** اللى قبل كــــانن مفرشه نـــــــوار

سلبت عدوك من عفــــــــــاك اسلبك ***** سلبت عدو العدوه يوم مغـــــــــار

بالله عليـــــــــــــك انريد ايش اسببك ***** قالت جفونى هل عنـــا واقــــــدار

اوقالـــو سموح انريد موش إغضبك ***** فريقهم اوعدو بحرو مبحــــــــــار

منك إمعــــــــــــوزل لشطوط اهلبك ***** إبراى من عديم اريا قليل افكــــار

شور المدن ساقـــــــــا فريق أعربك***** أوســــابو البر اللى وسيع مــــــدار

واللى هذا من عندا احســاب احسبك***** اولا الهم احساب بين اللى هوصار

كيفك صبح منهـــــــاس بيش اغلبك ***** لاهم ابصنعه لاعرب تجـــــــــــار

ابحقك عليهـــــــــــــــم تعتبى بعتبك ***** والساع يندمو منهم اتجيك اخبـــار

كانت اللا لك هيبه ** اوكنتى احما للى لفا بمصيبه

وانجـــــــــاك الفقير مارادبا يمشيبه ***** اكرام هلك يزابو اكبار اصغــــــار

والهم وطن ماودك نهـــــــار تسيبه ***** عليهم اتحوش الطوق وام إحــــوار

جوالت مرابى واسعــــــه وخصيبه ***** خاطره اتزهى من جبــــــــاها زار

والهم شيخ مــــــاودك امغير اتجيبه ***** نوارت المشايخ كان صــار مصار

ابكلام بالمواعض جــــاد فى ترتيبه ***** حكيم فى القضــايا عاجب الحضار

سليم عرف موجاهل وخاطى صيبه ***** وحق الضعيف ايجيب م الجســــار

كنتى الا بصحابك اصحاب النخاوا والكرم شيابك

نبـــــــــاهم إعلى فالوطن علا قابك ***** ناس يكرمو وقتا لفو خطـــــــــــار

سوا معرفه والله انكــــــــان اقرابك ***** والذاهب دليله يكبرو فى نـــــــــار

وانجـــــاهم سفيه جوه طوع ايهابك ***** هلك فيك يداعو إنصار احقــــــــار

واليوم وين مادار الزمــــان مشابك ***** ابقيتى خــلا خيم عليك جضـــــــار

كنتى الا مسميه دايــم عفـــــــاك اوسيمتك مطريه

وسيعت احدودك عـــــــامره بمويه ***** اجنك ضمايــــــــــــا يقدعن صدار

واوقات طاليــــــه مانك اللى منسيه ***** فرســــان هلك خشاشت لهيب النار

خــــاضو معارك نصرموش اشويه ***** على من اللى جيشه عليهم غـــــار

مصابى امعا فــــــــــارس ولد بيتيه ***** الشيخ المحنك عمر بوالمختـــــــار

الواحد على جــــاضى غزير نصيه ***** انلمسه اركــاب ايجود فالمشــــوار

وانجيت للشهـــــــايد عندهم ممضيه ***** ابقولت هضولا شــــــــاركو لدوار

عشرين عـــام معروفه اومى امغبيه ***** ليبيا ضناها دونــــــــــــها سمــــار

نين بالفرج علــــــــم الفجر بضيــــه ***** ابفـارس ولد فـــــارس عليهم ثــار

اوطـــــاحن عروش الزيف والفاشيه ***** وجلا قواعد جيش لاستعمـــــــــار

اوراق شعبنا وارتــــــاح من ماضيه ***** اوباتو هنـــــــايا فى هنا واســـرار

اوعم الرخـــــــــا فرحن اقلوب كديه ***** بعد اسنين عاشنهن شقــــــا ومرار

لولا راى من رايــــــــــا الهم بالجيه ***** شورا لمدينه سيبو العقـــــــــــــــار

اوسابو اوطـــــــــــان امهيفه اوعفيه ***** اوبقيو فى زنــــاقى ضيقه واسوار

وابقى وطنـــــــــهم لادوج لا طرقيه ***** اونسيو اسعــــــايه وانعمن لابيــار

وارشدهم على الهجرة اللــى عكسيه ***** دبار غير ماتبعو اريــــــــا دبــــار

واليوم فى مســــــــاكن ضيقه شعبيه ***** بعد انجوع فى التمه اسمــاح اكبار

يادار كنتى دار ** ديارا عللى نازلك والجار ** واليوم خاليه

م ن ق و ل