مظاهرات في ليبيا لطرد السفير المصري من طرابلس

المفروض نقايض مصر اما تسلم لنا الهاربين المختلسين فلوسنا او ممنوع اي شركة مصرية تساهم في البنية التحية وكذلك احضار عمالة بنجلاديشية في مكان العمالة المصرية لان المصريين مايفهموووووووووووووووش الا بالفلوس

بدل مايمشوا يوفوا امام مقر المؤتمر الوطني ويعملوا اعتصام ليش المؤتمر الى الان لم يبدا عمله وعلى ما اعتقد هذا اهم - اما قنوات انبح صوتي واني نتكلم - تفعيل المصالحة وتضميد جراح الليبين وبدون استثناء ورد المهجرين الى مدنهم ومساكنه واملاكهم - واكيد ما يحس النار الا من عافس فيها - يعني لما ينتشل الانسان من اعماق اعماق مدينته او مسكنه او بيته الذي ربي في عياله وبدون وجه حق وماهو الا لتطبيق مقولة البيت لساكنه وفي وضح النهار واعتقال الناس عبثا وعشوائيا والمتاجرة بالوطنية ثم في اخر الحلقة مقايضتهم بالمال بيش تعرفوا ان الناس التي تختطف وتطلب الفدية مش واجعها حال الليبين ولا هم باكيين على الوطنية لكن ما يهمهم هو المال اولا ثم تشويه ثورة 17 فبراير ثانيا

هناك اولويات - وعدم تشتيت اذهان الناس وابعادهم عن المهم - الان يجب ان يكون التركيز على المؤتمر الوطني وماذا سيعمل لنا ويجب ان نراقب عملهم ونشد علي ايديهم للنهوض بليبيا - اما قنوات ما قنوات - وجو تكميم الافواه لان ما قامت به هذه الثورة هو من اجل حرية الاعلام - فدعوا الناس تتحدث بديمقراطية وحرية وهذا ما نطمح اليه لان هذه مرحلة محسوبة على الثورة يجب ان نكون على مسافة واحدة بين كل اطياف الشعب الليبي وبدون استثناء

هده مش حرية راي وتكميم افواه هده قنوات تسلهم وتحرض على القتل وحرية الراي اللي كيف هذه بلاش منها

حتى قناة العاصمة ما سلمتش منكم - تغطوا في عين الشمس بالغربال - المحسن لابد ان نجازيه ونقول له احسنت - والمخطيء لابد ان نقول له اخطأت

خلاص نقعدوا خايفيين ونستوا في الهلاك - ونخلوا ليبيا ما نبنوهاش - من يريد ان يؤخرنا يعمل لنا اشياء تلهينا عن الاشياء المهمة المفروض نديروها

المصالحة الوطنية ترجيع الناس المهجرة خارج ليبيا وداخلها واسترداد حقوق الناس واسترجاع املاكهم وبيوتهم بعدين القنوات الماجورة معادش يلقوا مع من يتكلم او من ينفذ مخططاتهم لان نحنا قطعنا عليهم الطريق وضمدنا جراح كل ليبي وطبطنا على كل شاب وشابة وام وطفل وشيخ

المصريين معروفين امتاعين فلوس مستعد يبيع اولاده من اجل الفلوس لو تبرع الموتمر الوطنى بمليار للمصريين فسوف ياتوا بهم الي ليبيا ولو على حسابهم

بنقول للاخت سهى فعلا كلامك فيه جزاء من الحقيقة لكن لازم تعرفي ان معظم الي قاموا بالتفجيرات الاخيرة لم يكونوا من العائلات المهجرة من مدنها ولم يكونوا من العائلات الهاربة من البلاد هدوا ناس مريضة متربصة بالشعب الليبي يحلموا في حلم مستحيل تحقيقه

هذة بادرة ممتازة من الشعب الليبي بس اعتصام مع السفير المصير ما ينفع لازم يقوم المقريف بالطرد مباشرة وال حملة اعتقال وسجن للسفير ياناس الحدود المصرية فوضي

المصريو لايفرق معهم قذاف الدم يقعد فى مصر والله يهج ولاكن ما خفيا عنكم انه فى تنسيق مصرى ليبى لحصر املاكه والمشاريع التى يساهم فيه لانه هو وغيره من ازلام القردافى الان لايملكون قرش باسمائهم فى مصر وتحولت الاموال باسماء مصريين ايش مكسب ليبيا ان سلموهم لكم قرع وتظل الاموال مهربه هذا هو منطق السياسين الذين يخافون على ثروات بلادهم\ ثانيا للاخوه الذين يقولون كل شى فلوس هناك حسابات حدود مشتركه ومنفذ فتح فى وقت الشده اى الثوره وهذا كلام من لايعرف الحسابات السياسيه

mushwar altaweel كتب:المصريين معروفين امتاعين فلوس مستعد يبيع اولاده من اجل الفلوس

لا تعليق .. لاحول ولا قوة إلا بالله ... الدنيا جابت معندها .... برا إلى الأسكندريه .. وإلا القاهره ... وتوا تعرف المصريه ...

هذا كلام ينقال .... وهل هذا هو مستوى الثقافه ... تنعت دوله عربيه .. بأنهم يبيعوا .. أولادهم .. من أجل الفلوس ... وانت منين تأكل موش بلفلوس ...

لمصلحة من نخسر الشعب المصري - ومصر كان لها دور ايجابي في هذه الثورة المباركة - حيث احتضنت الكثير من الليبيين الذين فروا من ليبيا زمان وتوا - وبعدين مصر ام الدنيا وارض الثقافات وارض العلماء وارض المدرسين الذين علمونا - ليش هالحقد - لكن ارجوك يا سيد مشوار تراعي مشاعر الناس فيه ناس خوالهم مصريين وانا والله عندي اصدقاء عزموني في مصر وقاموا بضيافتي وتوفير مسكن لي- والحقيقة كانون كرماء جدا - وعلى فكرة هم يقطعوا من لحمهم ويوكلوا صغارهم لكن عمري ما سمعت عن مصري باع ولده باش ياخذ فلوس بدله

خلونا اخوة زي قبل وتربطنا مصاهرة بينا وبين الشعب المصري ونتحملوا بعضنا معليش جميع المشاكل انشاء الله تنحل

المزكمت كتب:

mushwar altaweel كتب:المصريين معروفين امتاعين فلوس مستعد يبيع اولاده من اجل الفلوس

لا تعليق .. لاحول ولا قوة إلا بالله ... الدنيا جابت معندها .... برا إلى الأسكندريه .. وإلا القاهره ... وتوا تعرف المصريه ...

هذا كلام ينقال .... وهل هذا هو مستوى الثقافه ... تنعت دوله عربيه .. بأنهم يبيعوا .. أولادهم .. من أجل الفلوس ... وانت منين تأكل موش بلفلوس ...

شكرا يارجل